ფოტო: "ეს დიდი ხნის წინ ვთქვი", — სერხიო რამოსი ბერნაბეუზე დაბრუნდა და მატჩის შემდეგ პოსტი გამოაქვეყნა

ლეგენდარული ესპანელი მცველი სერხიო რამოსი თავისი ორი ყოფილი კლუბის, რეალისა და სევილიას მატჩს დაესწრო.

სანტიაგო ბერნაბეუზე გამართული მატჩი რეალმა 2:0 მოიგო, მადრიდელთა ერთ-ერთი გოლი კი კილიან მბაპემ გაიტანა — ფრანგი, რომელსაც გუშინ დაბადების დღე ჰქონდა და 27 წლის გახდა, ამ გოლით კრიშტიანუ რონალდუს გაუტოლდა და რეალის ყველა დროის რეკორდი გაიმეორა.

VIDEO: მბაპემ რონალდუს რეკორდი გაიმეორა და გოლი მის სტილში აღნიშნა

თამაშის შემდეგ, სერხიო რამოსმა ფრანგს სოციალურ ქსელში რეკორდიც მიულოცა და დაბადების დღეც:

„გილოცავ ძმაო! დიდი ხნის წინვე ვთქვი, რომ N1 ხარ." — წერს რამოსი.

სხვათაშორის, მბაპე და რამოსი თანაგუნდელები პარი სენ-ჟერმენში ორი წლის განმავლობაში იყვნენ.