რომელ ადგილზე გავიდა საქართველო მსოფლიო ჩემპიონატის ჩათვლაში?

ბაქოში მიმდინარე მსოფლიო ჩემპიონატზე ინდივიდუალური გამოსვლები დასრულდა და ცნობილია თუ რომელ ადგილზე გავიდა საქართველო საერთო ჩათვლაში.

საქართველომ ამ მსოფლიოზე 4 მედალი მოიპოვა - ტატო გრიგალაშვილი (ოქრო), ილია სულამანიძე (ოქრო), ეთერ ლიპარტელიანი (ვერცხლი) და გიორგი სარდალაშვილი (ბრინჯაო).

ამ მაჩვენებლით ჩვენმა გუნდმა ინდივიდუალურ საერთო ჩათვლაში მე-2 ადგილი დაიკავა და მხოლოდ იაპონიას ჩამორჩა.

მსოფლიო ჩემპიონატზე მინიმუმ 1 ოქროს მედალი შვიდმა ქვეყანამ მოიპოვა:

1. იაპონია - 7 ოქრო, 2 ვერცხლი, 3 ბრინჯაო

2. საქართველო - 2 ოქრო, 1 ვერცხლი, 1 ბრინჯაო

3. აზერბაიჯანი - 1 ოქრო, 2 ვერცხლი, 4 ბრინჯაო

4. ესპანეთი - 1 ოქრო, 2 ვერცხლი, 1 ბრინჯაო

5. არაბეთის გაერთიანებული საამიროები - 1 ოქრო, 1 ვერცხლი

6. რუსეთი - 1 ოქრო, 4 ბრინჯაო

7. სამხრეთ კორეა - 1 ოქრო

ძიუდოს მსოფლიო ჩემპიონატი ხვალ გუნდური ასპარეზობით დასრულდება, სადაც საქართველოს ნაკრები მოქმედი ჩემპიონის ტიტულის დაცვას შეეცდება.