ალ ნასრის ფორვარდი, კრიშტიანუ რონალდუ, გუნდის მაისურით მომდევნო თამაშში მონაწილეობაზე უარს, საუდი პრო ლიგის ხელმძღვანელობით უკმაყოფილების გამო აცხადებს.
პორტუგალიური გამოცემა A Bola-ს ინფორმაციით, რონალდუ უკმაყოფილოა იმით, თუ როგორ მართავს საუდის არაბეთის სუვერენული საინვესტიციო ფონდი (PIF) ალ-ნასრს სხვა კონკურენტებთან, განსაკუთრებით კი ალ-ჰილალთან შედარებით.
წყაროს ცნობით, სწორედ ამ მიზეზით, პორტუგალიელმა ალ-რიადის წინააღმდეგ გასამართ მატჩში, რომელიც დღეს გაიმართება, მონაწილეობაზე უარი თქვა.
აღსანიშნავია, რომ ალ-ნასრისა და ალ-ჰილალის გარდა, PIF უშუალოდ მართავს ასევე ალ-იტიჰადსა და ალ-აჰლის.
ბენზემა კონკურენტ გუნდში გადასვლასთან ახლოსაა
ამასთან, გავრცელებული ინფორმაციით, რონალდუ ეწინააღმდეგება კარიმ ბენზემას ალ-ჰილალში შესაძლო გადასვლას.
ჟურნალისტ იაგიზ საბუნჯუოღლუს ცნობით, პორტუგალიელი თვლის, რომ ბენზემას ალ-იტიჰადიდან ალ-ჰილალში ტრანსფერი „სამართლიან კონკურენციას დააზიანებს“.
გუშინ მედიაში დაიწერა, რომ ფრანგმა ფეხბურთელმა ახალ კლუბთან კონტრაქტის პირობები უკვე შეათანხმა.
ამ დროისთვის ალ-ჰილალი საუდის არაბეთის ჩემპიონატის ცხრილს ლიდერობს — გუნდს 18 ტურის შემდეგ 46 ქულა აქვს, ხოლო ალ-ნასრი მეორე ადგილზეა 43 ქულით.
