სავარაუდო თერთმეტეული - როგორ ითამაშებს იბერია პირველი წუთებიდან?

საქართველოს ჩემპიონი, იბერია 1999, ევროპა ლიგის მე-3 საკვალიფიკაციო რაუნდის საპასუხო მატჩში, ჩრდილოეთ ირლანდიის ჩემპიონ ლარნეს ხვდება და წარმატების შემთხვევაში, მინიმუმ კონფერენს ლიგის ჯგუფურ ეტაპზე თამაშს გაინაღდებს.

Adjarabetarena-ს ვერსიით, იბერიელები თამაშს ასეთი თერთმეტეულით დაიწყებენ:

იბერია (4-3-2-1): მაკარიძე - ქობულაძე, ამისულაშვილი, სელიმოვიჩი, ჯინჯოლავა - ქარდავა, კუცია, დადიანი - ბართიშვილი, ნაჭყებია - სიხარულაშვილი.

მოსალოდნელია, რომ ანდრი დემჩენკო, ბრიტანეთში გამართულ შეხვედრასთან შედარებით, სასტარტო შემადგენლობას არ შეცვლის და მინდორზე პირველი წუთებიდან იგივე თერთმეტეული ეყოლება.

იბერია 1999-ისა და ლარნეს პირველი მატჩი 0:0 დასრულდა, დღეს კი გუნდები მიხეილ მესხის სახელობის სტადიონზე, 20:00 საათიდან ითამაშებენ. პირდაპირი რეპორტაჟი Silk უნივერსალი-ზეა. მსაჯი ნორვეგიიდანაა - როჰიტ საგი.

წყვილში გამარჯვებული, ევროპა ლიგის საკვალიფიკაციო ეტაპის პლეი-ოფში, შოტლანდიურ რეინჯერსსა და პოლონურ იაგელონიას შორის გამარჯვებულს შეხვდება, ხოლო დამარცხებული - კონფერენს ლიგის საკვალიფიკაციოს პლეი-ოფში, გიბრალტარულ ლინკოლნსა და კვიპროსულ ომონიას შორის დამარცხებულს.

რა უნდა ვიცოდეთ იბერია V ლარნეს ისტორიული მატჩის დაწყებამდე