VIDEO: დეტროიტმა სერიაში გაათანაბრა - გოგას გუნდს მოედნის უპირატესობა აქვს
4 სთ წინ · 0 წთ წასაკითხად
-
Aa
+
ფონტის ზომა
აღმოსავლეთ კონფერენციის რეგულარულის გამარჯვებულმა, დეტროიტ პისტონსმა გოგა ბითაძის ორლანდო მეჯიქთან სერიაში ანგარიში გაათანაბრა - 1:1. მიჩიგანელებმა ფლორიდელებს 98:83 აჯობეს.
დეტროიტელთა გამარჯვებაში მნიშვნელოვანი წვლილი ჰქონდათ კეიდ კანინგემსა (27 ქულა, 6 მოხსნა, 11 ასისტი) და ტობაიას ჰარისს (16 ქულა, 11 მოხსნა, 1 ასისტი), რომელთაც ორმაგი დუბლი შეასრულეს - მათ შედეგამდე ცოტა დააკლდა ჯეილენ დურენს (11 ქულა, 9 მოხსნა, 4 ასისტი).
რაც შეეხება გოგას, მან პარკეტზე 21:13 წუთი გაატარა და გუნდს 3 ქულა, 5 მოხსნა, 2 ჩაჭრა და 2 დაფარება შეჰმატა. ასევე, 2 დაკარგვაც ჰქონდა.
სერიის პირველ მატჩში სენსაციურად გამარჯვების შემდეგ, მეჯიქმა პისტონსს მოედნის უპირატესობა ჩამოართვა და მომდევნო 2 შეხვედრას საკუთარ დარბაზ Kia Center-ში ჩაატარებს - 25 აპრილის 21:00 საათსა და 28 აპრილის 04:00 საათზე.
