VIDEO: გურამ კაშიას გოლი - სლოვანმა რაიო ვალეკანოს მოუგო

უეფას კონფერენს ლიგის მე-4 ტურში სლოვან ბრატისლავამ საკუთარ მოედანზე რაიო ვალეკანო მიიღო.

მასპინძელთა სასტარტო შემადგენლობაში იყო გურამ კაშია, რომელმაც მატჩი სრულად ჩაატარა და გოლიც გაიტანა.

შეხვედრაში ანგარიში 24-ე წუთზე სტუმრებმა გახსნეს, გოლი ფრანსისკო პერესმა გაიტანა და რაიომ პირველი ტაიმი მოიგო.

49-ე წუთზე ანგარიში გურამ კაშიამ გაათანაბრა, რომელიც სტანდარტული მდგომარეობისას შეტევაში იყო წასული. ქართველი მცველის გოლიდან 3 წუთში კი ალასანა ირაჟანგმა მასპინძლები წინ გაიყვანა და საბოლოოდ სლოვაკურ გუნდს 3 ქულაც მოუტანა.

სლოვან ბრატისლავამ კონფერენს ლიგაზე საწყისი 3 მატჩის წაგების მერე პირველი თამაში მოიგო და პირველი 3 ქულა მოიპოვა.