VIDEO: მე-3 ფინალი და პირველი ტიტული - დე მინორმა როტერდამის ტურნირი მოიგო

ნიდერლანდების ქალაქ როტერტდამში 500-ქულიანი ტურნირის ფინალი შედგა.

გადამწყვეტ მატჩში ერთმანეთს რეიტინგის მე-6 ნომერი ფელიქს ოჟე-ალიასიმი და მე-8 ნომერი ალექს დე მინორი დაუპირისპირდნენ.

შეხვედრა ავსტრალიელის გამარჯვებით დასრულდა. მან კანადელი 2 სეტში (6-3, 6-2) დაამარცხა და როტერდამში ზედიზედ მე-3 ფინალის თამაშის შემდეგ ტიტული პირველად მოიგო.

დე მინორმა 2024 წელს აღნიშნული ტურნირის ფინალი იანიკ სინერთან წააგო, 2025 წელს კი გადამწყვეტი მატჩი კარლოს ალკარასთან დათმო. ავსტრალიელმა კარიერაში მე-11 ტიტული მოიპოვა, როტერტდამში კი მან მეოთხე 500-ქულიანი ტურნირი მოიგო.

დე მინორმა ჩემპიონობის გზაზე ფილსი, ვავრინკა, ვან დე ზანდშულპი, უმბერი და ოჟე-ალიასიმი დაამარცხა, სეტი კი მხოლოდ ვან დე ზანდშულპთან დათმო.