ბერნარდუ სილვა სეზონის ბოლოს მანჩესტერ სიტის დატოვებს. მისი ამჟამინდელი კონტრაქტი ივნისში იწურება და სილვა ახალ გამოწვევებს ეძებს.
ბერნარდუმ ყველა ტურნირზე 449 მატჩი ჩაატარა და სიტის პრემიერ ლიგის ექვსი ტიტულისა და ჩემპიონთა ლიგის მოგებაში დაეხმარა.
სილვას შეცვლა რთული იქნება, თუმცა რამდენიმე მოთამაშეს მსგავსი თვისებები აქვს.
სანდრო ტონალი
ტონალიმ 2023 წელს ნიუკასლ იუნაიტედში გადასვლის შემდეგ დიდი მოწონება დაიმსახურა.
მან კაჭკაჭების რიგებში ყველა ტურნირზე ჩატარებულ 104 მატჩში 20 გოლში მიიღო მონაწილეობა.
ტონალი იმავე შეუპოვრობასა და ინტენსივობას შემოიტანს, რასაც სილვა ნახევარდაცვაში ქმნის.
ის მრავალმხრივი მოთამაშეა, რომელიც ყოველთვის წინ მიიწევს და მოედნის ყველა ნაწილს ფარავს.
ატლეტიკი ამტკიცებს, რომ ტონალის ამ ზაფხულს ნიუკასლის დატოვება არ შეუძლია. სიტიში ტრანსფერი მხოლოდ იმ შემთხვევაში იქნება შესაძლებელი, თუ ფეხბურთელი ამას მოითხოვს.
ელიოტ ანდერსონი
ანდერსონი ამჟამად პრემიერ ლიგის ერთ-ერთი საუკეთესო ახალგაზრდა ნახევარმცველია.
23 წლის ფეხბურთელი შეტევით საფრთხეს წარმოადგენს და ვიწრო სივრცეებშიც შესანიშნავად თამაშობს. ის ცნობილია დაუღალავი შრომისუნარიანობით და მისი წინ გადაცემების დიაპაზონი სილვასთან დიდწილად კავშირშია.
სიტისთვის ანდერსონი შეძენის ერთ-ერთი მთავარი კანდიდატია.
მანჩესტერ იუნაიტედსაც სურს ანდერსონის ყიდვა და როგორც ამბობენ, ინგლისელი ფეხბურთელის შესაძენად ყველაფერს გააკეთებენ.
იუნაიტედი მომავალ სეზონში ჩემპიონთა ლიგაზე გასვლის გზაზეა, რაც ანდერსონის შეძენის შანსებს გაზრდის.
