ბარსელონას ახალწვეულმა და 2024 წლის ოქროს ბურთის მფლობელმა, როდრიმ თავისი ყოფილი კლუბი, მანჩესტერ სიტი 115 ფინანსური დარღვევის საქმეზე საჯაროდ დაიცვა.
მიუხედავად იმისა, რომ ბოლო ცნობებით, ინგლისურ გრანდს ბრალდებების უმეტეს ნაწილში სავარაუდოდ დამნაშავედ ცნობენ, ესპანელ ვარსკვლავს კლუბის უდანაშაულობის ბოლომდე სჯერა.
„ხელმძღვანელობა ყოველთვის გვეუბნებოდა, რომ საკუთარ უდანაშაულობაში დარწმუნებულები იყვნენ. როდესაც ადამიანს თვალებში უყურებ და ამას გეუბნება, ეჭვის შეტანა რთულია. ჩვენ ყოველთვის მშვიდად ვიყავით. კლუბის უდანაშაულობის მჯერა,“ - განაცხადა როდრიმ, რომელმაც ინგლისურ გრანდში 7 წარმატებული წელი გაატარა.
ესპანელმა ხაზი გაუსვა, რომ მოედანს მიღმა მიმდინარე სკანდალები პეპ გვარდიოლასა და ფეხბურთელების შრომას წყალში ვერ ჩაყრის:
ამ წარმატებას ფულით ვერ იყიდი, ეს უდიდესი შრომისა და ერთიანობის შედეგია და ამას ვერავინ წაგვართმევს
სანამ პრემიერლიგაში სიტის ფინანსური საქმის დახურული პროცესები მიმდინარეობს, როდრი სანაკრებო მატჩზეა კონცენტრირებული, დღეს ის ესპანეთის ნაკრებს კაპიტნის რანგში, უემბლიზე ინგლისის წინააღმდეგ გაუძღვება.
