8 წუთში 3 გოლი - ქალთა ნაკრებმა მოლდოვა გაანადგურა

საქართველოს ქალთა ეროვნულმა ნაკრებმა ოქტომბრის შეკრება გამარჯვებით დაასრულა. ირის ანტმანის გუნდმა მოლდოვასთან გამართულ მეორე ამხანაგურ შეხვედრაში 3:0 გაიმარჯვა.

გადამწყვეტი უპირატესობა ქართველმა ფეხბურთელებმა პირველი ტაიმის ბოლოს მოიპოვეს, როცა 29-იდან 37-ე წუთამდე მეტოქის კარში სამი გოლი გაიტანეს. დუბლი ნათია დანელიამ შეასრულა, ხოლო ერთი გოლი თინათინ ამბალიას ანგარიშზეა.

დანელიას გოლებისას, ორივე ასისტი მაიკო ბებიამ შეასრულა, ხოლო ამბალიას საგოლე პასი ლიზი მწყერაშვილმა გაუკეთა.

საქართველოს ქალთა ეროვნული ნაკრები მსოფლიო ჩემპიონატის საკვალიფიკაციო ეტაპზე ასპარეზობას 2026 წლის თებერვალში დაიწყებს. ჩვენი გუნდის მეტოქეები 4 ნოემბერს დაგეგმილი წილისყრის შედეგად, გაირკვევა.

ფოტო: საქართველოს ფეხბურთის ფედერაცია