adjarabet arena საქართველოს 21-წლამდე ნაკრებისა და დინამო თბილისის ნახევარმცველ ნოდარ ლომინაძეს ესაუბრა და მათ შორის გორის დილასთან მომხდარ ინციდენტზეც ჰკითხა.
"კლუბის სახელით მხარდაჭერას ვუცხადებთ ჯაბას" - დინამო თბილისის განცხადება
- რას იტყვი ჯაბა კანკავას ინციდენტზე გორის დილასთან?
- როდესაც საუბარია ქართული ფეხბურთის ცოცხალ ლეგენდაზე, რომელიც ყველა დიდ და პატარას უყვარს, ნებისმიერი დამწყები თუ მოქმედი ფეხბურთელის მისაბაძი პიროვნება და სპორტსმენია, მსგავს საქციელზე საუბარიც შემზარავია, უბრალოდ ასეთმა ადამიანმა არც ფეხბურთი და არც ვაჟკაცობა იცის.
- ზოგადად როგორ შეაფასებდი ჯაბას გვერდზე თამაშს, რას ნიშნავს ასეთი გამოცდილი ფეხბურთელის გუნდელობა?
- რაც შეეხება მის გვერდით თამაშს, საამაყოა. მისაბაძი პიროვნებაა, თუ როგორი უნდა იყოს პროფესიონალი მოედნის გარეთ თუ შიგნით. სპორტის გარეთ დასაყრდნობი მეგობარი და ძმაკაცი არის, რომლისგანაც მე პირადად ბევრ რამეს ვსწავლობ, რაც ცხოვრებაში გამომადგება.
ნოდარ ლომინაძე საქართველოს ახალგაზრდულ ნაკრებთან ერთად ევროპის ჩემპიონატისთვის მზადებას იწყებს, რომელიც სლოვაკეთში გაიმართება.
საქართველოს U21 ნაკრების გაფართოებული განაცხადი ევრო 2025-სთვის
