ბერნარდუ სილვა ძალიან ახლოსაა იმასთან, რომ კონატესა და დუმფრისის შემდეგ მადრიდის რეალის ამ სეზონის მე-3 ახალწვეული გახდეს.
კლუბსა და ფეხბურთელს შორის მოლაპარაკებები ძალიან წინ არის წასული და ორივე მხარის მიზანია, ტრანსფერი პორტუგალიის მსოფლიო ჩემპიონატის პირველ მატჩამდე, რომელიც 17 ივნისს გაიმართება, საბოლოოდ დაიხუროს.
ბერნარდუ სილვა ჟოზე მოურინიოს პირადი მოთხოვნაა და ასევე იმ თავისუფალი აგენტების პოლიტიკას ერგება, რომელსაც რეალი ბოლო წლებში წარმატებით იყენებდა, როდესაც გუნდში დავიდ ალაბა და ანტონიო რუდიგერი მიიყვანა.
მანჩესტერ სიტიში წარმატებული ეპოქის დასრულების შემდეგ, ფეხბურთელის ასაკი, 31 წელი, ამჯერად დაბრკოლებად არ ქცეულა და ბერნარდუ მადრიდული კლუბის ფეხბურთელად გახდომასთან ძალიან ახლოსაა.
ბოლო 15 დღის განმავლობაში ბერნარდუს ბარსელონასა და მადრიდის ატლეტიკოს შეთავაზებებიც ჰქონდა, თუმცა სამეფო კლუბის სწრაფმა და გადამწყვეტმა ნაბიჯებმა გადამწყვეტი როლი ითამაშა და ახლა ფეხბურთელი უფრო მეტად სანტიაგო ბერნაბეუზე გადასვლისკენ იხრება.
პრემიერ ლიგაში 9 წლის გატარების შემდეგ, ბერნარდუ სილვას სახლთან უფრო ახლოს ყოფნა სურდა და ამ მხრივ მადრიდი მისთვის იდეალური ვარიანტია.
ამ ტრანსფერით, რომლის ოფიციალურად გაფორმებაც უკვე ძალიან ახლოსაა, რეალი შემოქმედებითი ტიპის ნახევარმცველს დაიმატებს, რომელსაც დაუყოვნებლივ შეუძლია მაღალი დონის თამაში აჩვენოს - სწორედ ისეთი ფეხბურთელი, როგორსაც მოურინიო მადრიდში თავისი პირველი სეზონისთვის ეძებს.
პორტუგალიელმა სპეციალისტმა იცის, რომ კლუბი ზედიზედ მეორე უტიტულო სეზონს ვერ დაუშვებს, ამიტომაც აქცენტს გამოცდილ ფეხბურთელებზე აკეთებს.
თუ ტრანსფერი დასრულდება, ბერნარდუ სილვა კვლავ ერთ გუნდში ითამაშებს კილიან მბაპესთან, რომელთანაც ერთად მონაკოში 2016-2017 წლების სეზონში ასპარეზობდა.
ოფიციალურად: ჟოზე მოურინიო რეალის მწვრთნელია!
