ბარსელონას სპორტულმა დირექტორმა, დეკუმ აღიარა, რომ გასულ ზაფხულს კლუბს საკვანძო ფეხბურთელების გაყიდვის შესაძლებლობა ჰქონდა.
„რამდენიმე ფეხბურთელის თაობაზე შემოთავაზება გვქონდა, მაგრამ არცერთი მნიშვნელოვანი მოთამაშის დაკარგვა არ გვინდოდა. ჩვენ გუნდს ვაშენებთ და არა ვანგრევთ.
რთული იყო, გაუმკლავდე ცდუნებას, რომ გაყიდო მნიშვნელოვანი ფეხბურთელი და ამით ფინანსური პრობლემები მოიგვარო.
თუ არ გაყიდი, ვერც შეიძენ, მაგრამ მე კონკრეტულად დავსვი საკითხი, რომ ყველაზე მნიშვნელოვანი იყო, საკვანძო ფეხბურთელები არ გაგვეშვა." - აღნიშნა პორტუგალიელმა ექს-ფეხბურთელმა.
