ფედე ვალვერდემ სოციალურ ქსელში განცხადება გაავრცელა.
"მე რამდენიმე სტატია წავიკითხე, რომელიც ჩემს რეპუტაციას აზიანებს. ვიცი, რომ მქონდა ცუდი თამაშებიც, თავადაც ვიცი ეს. მე არ ვიმალები და კრიტიკას პირდაპირ ვიღებ. გულწრფელად დამწუხრებული ვარ.
ხალხს ბევრი რამის თქმა შეუძლია ჩემზე, მაგრამ ვერავითარ შემთხვევაში ვერ იტყვიან, რომ თამაშზე უარს ვამბობ. ამ კლუბისთვის ყველაფერი და იმაზე მეტი მივეცი, ვითამაშე მაშინაც კი, როცა ტრავმირებული ვიყავი, და არასოდეს მიწუწუნია ან შესვენება მითხოვია.
მწვრთნელთან კარგი ურთიერთობა მაქვს, რაც მაძლევს თავდაჯერებას, რომ ვუთხრა, რომელ პოზიციაზე მირჩევნია თამაში, მაგრამ ყოველთვის, ყოველთვის მკაფიოდ ვამბობ, რომ მზად ვარ ვითამაშო ნებისმიერ პოზიციაზე, ნებისმიერ მოგზაურობაში, ნებისმიერ თამაშში.
ამ კლუბში ჩემი გული და სული დამიტოვებია და ამას მომავალშიც გავაგრძელებ, თუნდაც ზოგჯერ ეს საკმარისი არ იყოს ან ისე არ ვთამაშობდე, როგორც მსურს.
ჩემს თავმოყვარეობას ვფიცავ, რომ არასოდეს დავნებდები და ბოლომდე ვიბრძოლებ, ვითამაშებ იქ, სადაც საჭირო ვიქნები." - წერს ურუგვაელი ნახევარმცველი.
რეალის ნახევარმცველი თავის განცხადებაში მათ შორის ქვემოთ მოცემულ სტატიაზეც მიუთითებს.
ვალვერდემ მარჯვენა მცველად თამაშზე უარი თქვა და თადარიგშიც ამიტომ დარჩა - Marca
