ივან სამორანო: "მედიუმის მეშვეობით გარდაცვლილ მამაჩემს ველაპარაკე"

მადრიდის რეალის და ინტერის ფორვარდის, ივან სამორანოს მტკიცებით, ის გარდაცვლილ მამას მედიუმის მეშვეობით ელაპარაკა.

„მამაჩემი გარდაიცვალა, როცა 13 წლის ვიყავი. მასთან საკმარისი დროის გატარება არ დამცალდა.

თუმცა, 8 თუ 10 წლის წინ ცოლმა მომცა ისეთ ადამიანთან ლაპარაკის საშუალება, რომელიც წასულების ხსოვნებს აღვიძებს. მისი დახმარებით მამაჩემს ველაპარაკე და ვგრძნობდი, რომ ის იქ იყო, უფრო მშვიდად ვიყავი.

მამასთან ლაპარაკისას მივხვდი, რომ კარგად არის. მან მითხრა, რომ ჩემს ცხოვრებაში ჩემი შვილის სახით არსებობს. ასე რომ, როცა ჩემს შვილს ვუყურებ, მამაჩემს ვხედავ.

მას ძალიან აშკარად ვგრძნობდი და ბოლოს დავემშვიდობე კიდეც." - აღნიშნა სამორანომ.

ცნობისთვის, სპირიტების ცრურწმენით "მედიუმი" არის შუამავალი ცოცხლებსა და სულებს შორის და გარდაცვლილეთა სულებთან ურთიერთობას ამყარებს.