ერთა ლიგის 1/4 ფინალის პირველ მატჩში ხორვატიამ შინ საფრანგეთი დაამარცხა.
შეხვედრა მასპინძელთა დამაჯერებელი გამარჯვებით 2:0 დასრულდა.
მე-8 წუთზე კრამარიჩმა პენალტის ნიშნულიდან მაიკ მენიოს ვერ აჯობა, თუმცა ხორვატების განწყობა ამან ვერ გააფუჭა და მასპინძლებმა ტაიმის ბოლომდე ორი გოლის გატანა მოახერხეს.
26-ე წუთზე ივან პერიშიჩმა ჯერ ბუდიმირს გაატანინა, 45+1-ზე კი თავადაც გაიტანა და საფრანგეთს მარცხი აგემა.
საფრანგეთში საპასუხო დაპირისპირება 23 მარტს გაიმართება და ერთა ლიგის 1/2 ფინალში გასასვლელად დეშამის გუნდს ქამბექის შესრულება დასჭირდება.
