გერმანიის ნაკრების ლეგენდარულმა თავდამსხმელმა, იურგენ კლინსმანმა, მუნდიალიდან გერმანიის მორიგი ნაადრევი გამოვარდნა მკაცრად შეაფასა.
შეგახსენებთ, რომ იულიან ნაგელსმანის გუნდი მსოფლიო ჩემპიონატის 1/16-ფინალში პარაგვაისთან დრამატულ პენალტების სერიაში დამარცხდა (1:1, პენ. 3:4):
„ფორმა, რომლითაც ტურნირიდან გამოვვარდით, უდიდეს იმედგაცრუებას იწვევს. იქმნება შთაბეჭდილება, რომ გუნდი მზად არ იყო 120 წუთის განმავლობაში ეკონტროლებინა თამაში.
მათ აკლდათ ენერგია, სიმტკიცე და აგრესია, რათა ეს ბრძოლა პარაგვაის საკმაოდ ძლიერი ნაკრებისთვის მოეგოთ - არადა ვიცოდით, რომ რთული მატჩი იქნებოდა.
როგორც ჩანს, ფეხბურთელები პენალტების სერიისთვისაც არ აღმოჩნდნენ მზად, რაც ჩვენთვის უბრალოდ სიგიჟეა, რადგან, როგორც წესი, გერმანიას პენალტების სერიები ყოველთვის უყვარდა (იცინის).
ასეთი გამოვარდნა დამანგრეველია, ეს უბრალოდ სირცხვილია. ამას არავინ ელოდა. ეს ისეთივე საშინელებაა, როგორიც ოთხი წლის წინ კატარში და რვა წლის წინ რუსეთში მიღებული კრახი იყო. გერმანული ფეხბურთი ღრმა ორმოშია და ყველაფერი დეტალურად გვაქვს განსახილველი. რა თქმა უნდა, ამ ყველაფერს სერიოზული შედეგები მოჰყვება“, - განაცხადა კლინსმანმა.
