კლუბები შეთანხმდნენ - პაკეტა სამშობლოში ბრუნდება

ფლამენგომ ვესტ ჰემთან ლუკას პაკეტას ტრანსფერზე პრინციპულ შეთანხმებას მიაღწია.

The Athletic-ის ინფორმაციით, რომელიც კვირას გავრცელდა, ფლამენგო ვესტ ჰემთან მოლაპარაკებებს აწარმოებდა მას შემდეგ, რაც ბრაზილიელი ფეხბურთელის სანაცვლოდ ახალი შეთავაზება (€41.25 მილიონი) გააკეთა.

ტრანსფერის გადახდის სტრუქტურა ჯერ საბოლოოდ შეთანხმებული არ არის, თუმცა პროცესში ჩართული წყაროები ოპტიმისტურად არიან განწყობილნი, რომ გარიგება შედგება.

ლონდონურმა კლუბმა ფლამენგოსგან პაკეტას სანაცვლოდ აქამდე გაკეთებული ორი შეთავაზება უარყო.

28 წლის ბრაზილიელი შემტევი ნახევარმცველი სწორედ ფლამენგოს აღზრდილია და 2019 წელს კარიერა ამ კლუბიდან მილანში გააგრძელა. პაკეტა ვესტ ჰემში 2022 წლიდან თამაშობს და პრემიერ ლიგაში ჩატარებულ 110 მატჩში 16 გოლი აქვს გატანილი.