კონფერენს ლიგა - საქმეში დილა და დინამო ერთვებიან

იბერია 1999-ისა და ტორპედო ქუთაისის შემდეგ ევროტურნირებზე ასპარეზობას კიდევ 2 ქართული გუნდი დაიწყებს.

იბერიამ საკვალიფიკაციო ეტაპი გამარჯვებით დაიწყო

კონფერენს ლიგის პირველი საკვალიფიკაციო ეტაპის პირველ მატჩს გორის დილა სახლში, თენგიზ ბურჯანაძის სახელობის სტადიონზე გამართავს.

გორელები 20:00 საათზე სან მარინოს ვირტუსს დაუპირისპირდებიან.

დილას განაცხადი კონფერენს ლიგის მატჩებისთვის ასე გამოიყურება:

მეკარეები - დავით კერესელიძე, ლუკა სანიკიძე

მცველები - თედო კიკაბიძე, მაიკ პოეკეტიე, ჟოაო არაუჟო, გიორგი ჯალაღონია, ლამარ იარბრო, რომარიკ ეტოუ

ნახევარმცველები - კლოდ კუაკუ, ლაშა მენთეშაშვილი, ოთარ ფარულავა, გიორგი კობახიძე, მამინ სანიანგი, ბლანკსონ ანოფი, ბადრი გოგობერიშვილი, ალიუნ უმარ ტალი, ნანა კოფი დონკორი

თავდამსხმელები - ფრანკლინ ნიენეტუე, მოჰამედ კანტე, ზურაბ მუსლეიანი, შოთა შეყილაძე

მწვრთნელი - დიამანტის ვავალისი

დილასა და ვირტუსის შეხვედრას მონტენეგროელი მსაჯები განსჯიან - მილოშ ბოშკოვიჩი (მთავარი მსაჯი), მარიან პაუნოვიჩი (ასისტენტი), მარკო გოიკოვიჩი (ასისტენტი), მილოშ ბეშოვიჩი (მე-4 მსაჯი).

მე-4 ქართული გუნდი კი, რომელიც ევროასპარეზობაში ჩაერთვება, დინამო თბილისი იქნება.

თემურ ქეცბაიას გუნდი სტუმრად ლუქსემბურგის მონდორფს დაუპირისპირდება. მატჩი საქართველოს დროით 21:15 საათზე დაიწყება.

დინამო თბილისის განაცხადი ლუქსემბურგელებთან შეხვედრისთვის ასეთია:

მეკარეები - გიორგი ლორია, მიხეილ მაქაცარია, მათე გაგვიშვილი

მცველები - ნუმან კურდიჩი, ალექსანდრე კალანდაძე, ლეონდარდო სანტოსი, პარის პსალტისი, გაბრიელ გოგუა, დანიელ ქვარცხავა

ნახევარმცველები - ნიკა ნინუა, ოსეი ბარნსი, თორნიკე კვარაცხელია, რეზიკო დანელია, ლუკა ციკოლია, კობა კაკაშვილი, მაქსიმ ტეიშეირა, ნიკოლოზ ტკალია

თავდამსხმელები - მათე ვაწაძე, ალგასიმ ბა, რატი ალექსიძე

მწვრთნელი - თემურ ქეცბაია

მონდორფისა და დინამოს შეხვედრაში მომუშავე მსაჯები ფარერის კუნძულებიდან იქნებიან - ჰეინი ზისკასონ ვიდოი (მთავარი მსაჯი), იორლეიფ დიურჰუუსი (ასისტენტი), იოგვან ბრეკმანი (ასისტენტი), აკი მადს ლეტისტეინ ჰანსენი (მე-4 მსაჯი).