მაკლარენის დუბლი - მაიამის გრან პრი პიასტრიმ მოიგო

ფორმულა 1-ში მაიამის გრან პრი გაიმართა, რომელიც მაკლარენის დომინაციით დასრულდა.

ბრიტანულმა გუნდმა დუბლი შეასრულა, რბოლის გამარჯვებული ოსკარ პიასტრი გახდა, მე-2 ადგილზე კი ლანდო ნორისი გავიდა. პოდიუმი მერსედესის ბრიტანელმა პილოტმა, ჯორჯ რასელმა დააკომპლექტა.

ოსკარ პიასტრიმ ამ სეზონში მე-4, კარიერაში კი მე-6 რბოლა მოიგო და ამ მაჩვენებლით თანაგუნდელ ნორისს (5) გაასწრო.

ასევე ავსტრალიელი გახდა მაკლარენის პირველი პილოტი 1998 წლის შემდეგ, რომელმაც ზედიზედ 3 რბოლა მოიგო. ბოლოს ეს მიკა ჰაკინენმა მოახერხა.

რბოლის შემდეგ ქულები ასე გადანაწილდა:

1. ოსკარ პიასტრი (მაკლარენი) - 25 ქულა

2. ლანდო ნორისი (მაკლარენი) - 18 ქულა

3. ჯორჯ რასელი (მერსედესი) - 15 ქულა

4. მაქს ვერსტაპენი (რედ ბული) - 12 ქულა

5. ალექს ალბონი (უილიამსი) - 10 ქულა

6. კიმი ანტონელი (მერსედესი) - 8 ქულა

7. შარლ ლეკლერი (ფერარი) - 6 ქულა

8. ლუის ჰამილტონი (ფერარი) - 4 ქულა

9. კარლოს საინსი (უილიამსი) - 2 ქულა

10. იუკი ცუნოდა (რედ ბული) - 1 ქულა

2025 წლის სეზონში 6 რბოლის შემდეგ მრბოლელთა საჩემპიონო დავა ასე გამოიყურება:

1. ოსკარ პიასტრი - 131 ქულა

2. ლანდო ნორისი - 115 ქულა

3. მაქს ვერსტაპენი - 99 ქულა

4. ჯორჯ რასელი - 93 ქულა

კონსტრუქტორთა დავაში კი მაკლარენი უკვე სერიოზულ უპირატესობას ფლობს:

1. მაკლარენი - 246 ქულა

2. მერსედესი - 141 ქულა

3. რედ ბული - 105 ქულა

4. ფერარი - 94 ქულა

მომდევნო გრან პრი იტალიაში, ემილია-რომანიას ტრასაზე 16-18 მაისს გაიმართება.