თორნიკე შენგელიას ბარსელონა, ევროლიგის 26-ე ტურში, ტურნირის მოქმედ ჩემპიონ ფენერბაჰჩესთან საკუთარ დარბაზში დამარცხდა - 78:82.
ქართველმა პარკეტზე 18:49 წუთი გაატარა და კატალონიელებს მხოლოდ 3 ქულითა და 1 ასისტით დაეხმარა.
ყველა ტურნირის ეგიდით, ფენერმა ზედიზედ მე-8 მატჩი მოიგო და ევროლიგის პირველობა გაიმყარა.
რაც შეეხება ბარსას, მას 16 მოგება და 10 წაგება აქვს, რითაც სატურნირო ცხრილის მე-8 პოზიციაზე იმყოფება.
ბარსელონა 6 თებერვალს, ისევ ევროლიგის ეგიდით, ესპანურ დაპირისპირებაში თოკოს ყოფილ გუნდ ბასკონიას ესტუმრება.
