მესი: ,,ყოველთვის ვცდილობდი მოედანზე პატივისცემით მოვქცეულიყავი"

ლიონელ მესიმ ერთ-ერთ პოდკასტში მოედანზე ქცევაზე ისაუბრა.

„მე ყოველთვის ვცდილობდი მოედანზე პატივისცემით მოვქცეულიყავი. მახსოვს, გვარდიოლა ყოველთვის გვეუბნებოდა: მოწინააღმდეგის პატივისცემის საუკეთესო გზა არის ის, რომ ყოველთვის ერთნაირად ითამაშო, იყო სერიოზული, გააგრძელო გატანა და სწორად თამაში. მაშინაც ამას ვცდილობდით და მეც ყოველთვის ვცდილობდი ასე მოვქცეულიყავი, ვყოფილიყავი პატივისმცემელი, სერიოზული და მეთამაშა ჩემი თამაში.

ცხადია, მე წმინდანი არ ვარ. მატჩის დროს ემოციები იმატებს, რეაგირებ ისე, როგორც შეგიძლია, მილიონი სიტუაცია არსებობს. მაგრამ ჩემთვის ყველაფერი, რაც მოედანზე ხდებოდა, მოედანზევე რჩებოდა. შესაძლოა, ზღვარიც გადამილახავს, როგორც ამბობენ, და ემოციის პიკში რაღაც მითქვამს. როცა გამარჯვება ასე ძალიან გინდა, აღელდები.

მაგრამ... როგორც ამბობენ: რაც მოედანზე ხდება, მოედანზევე რჩება. ამ იდეით გავიზარდე, ხომ იცი? რომ ყველაფერი მოედანზე რჩება და რაც გასახდელში ხდება, გასახდელშივე უნდა დარჩეს.

დღეს ჩემთვის ცოტა უცნაურია, როცა სხვა თაობის ფეხბურთელები საჯაროდ საუბრობენ იმაზე, რა მოხდა მატჩის დროს ან რა მოხდა გასახდელში. მე სხვა მენტალიტეტით გავიზარდე.

თუმცა მესმის, რომ დროებიც იცვლება. დღევანდელი თაობა ბევრად მეტ სოციალურ მედიას მოიხმარს და ამის გამო მსგავსი ამბები საჯაროდ ვრცელდება. მაგრამ ჩემთვის ეს ყველაფერი იქვე რჩება.“ - განაცხადა მესიმ.

,,იმ თამაშზე შიშით გავედით" - მესიმ მექსიკასთან გოლი გაიხსენა