ნეიმარის თქმით, ნაკრებში მისი არ გამოძახების მიზეზი ტრავმა არ ყოფილა.
კარლო ანჩელოტის სექტემბრის მატჩების განაცხადში ნეიმარისა და როდრიგოს ადგილი არ მოიძებნა. ასევე არ გამოიძახეს ნაკრებში ვინისიუსიც, რომელსაც დასვენების საშუალება მიეცა, რადგან ერთ მატჩს ისედაც დისკვალიფიკაციის გამო გამოტოვებდა.
გასულ კვირას ნეიმარმა ფლუმინენსეს (0:0) წინააღმდეგ სრული 90 წუთი გაატარა მოედანზე.
„უბრალოდ ბარძაყის შეშუპება მქონდა. ძალიან უსიამოვნო იყო, მაგრამ არაფერი განსაკუთრებული, მითუმეტეს, უკვე დავბრუნდი მოედანზე. ბაიას წინააღმდეგ არ უნდა მეთამაშა, იმიტომ რომ ვარჯიშისგან გამათავისუფლეს, რათა ძალები აღმედგინა.
ვფიქრობ, ტექნიკური მიზეზების გამო არ გამომიძახეს და ამას ჯანმრთელობასთან არანაირი კავშირი არ აქვს. ეს მწვრთნელის გადაწყვეტილებაა, რომელსაც პატივს ვცემ. რადგან გამოძახებული არ ვარ, ახლა ის დამრჩენია, რომ ეროვნულ ნაკრებს ვუქომაგო და უახლოეს მატჩებში კარგად ვითამაშოთ." - აღნიშნა სანტოსის შემტევმა.
