UFC-ის ყოფილმა ჩემპიონმა, ალექსანდრ ვოლკანოვსკიმ საინტერესო იდეის შესახებ ისაუბრა.
ავსტრალიელ მებრძოლს სურს, რომ თავის ყოფილ მეტოქეებთან ერთად კულინარიული შოუ მოამზადოს, სადაც ერთ-ერთი მთავარი ეპიზოდი სწორედ ილია თოფურიას დაეთმობა.
TMZ Sports-თან ინტერვიუში ვოლკანოვსკიმ აღნიშნა, რომ ესპანეთში ჩასვლას და ილიასთან შეხვედრას მართლაც გეგმავდა, რათა პროექტისთვის „კულინარია ვოლკთან ერთად“ ერთობლივი გადაცემა ჩაეწერათ.
როდესაც მეტოქეს ებრძვი, თქვენ შორის საერთო ისტორია იქმნება. მიუხედავად იმისა, რომ ოქტაგონზე ერთმანეთისთვის ტკივილის მიყენებას ცდილობთ, ეს მაინც განსაკუთრებული კავშირია, რაც ბევრს არ ეძლევა. ბრძოლის შემდეგ ასეთი მომენტის გაზიარება და გადაცემის ჩაწერა ჩემთვის ძალიან ემოციური და მნიშვნელოვანი იქნებოდა
სწორედ ალექსანდრ ვოლკანოვსკის ნოკაუტით დამარცხების შემდეგ გახდა ილია თოფურია UFC-ის ქვემსუბუქი დივიზიონის ჩემპიონი და ოქროს ქამარს დაეუფლა.
