იტალიური Corriere dello Sport-ის ინფორმაციით, პსჟ-მ ნაპოლის საოცარი შეთავაზება გაუკეთა.
პარიზელებმა ვიქტორ ოსიმენისა და ხვიჩა კვარაცხელიას სანაცვლოდ ნეაპოლელებს 200 მილიონი ევრო შესთავაზეს. ნასერ ალ-ხელაიფის შემტევების დაშორება არ სურს და ორივეს დამატებისთვის მზადაა, თუმცა ნაპოლიში სხვა აზრზე არიან.
ანტონიო კონტე და აურელიო დე ლაურენტისი კვარას გაყიდვას არ განიხილავენ, ოსიმენის შემთხვევაში კი გარიგება შესაძლებელია.
ნიგერიელის მომავალი ჯერ-ჯერობით გაურკვეველია, ნაპოლიში კი მზად არიან შეთავაზებები მოისმინონ და შესაბამისი პირობების შემთხვევაში თავდამსხმელი გაყიდონ. ოსიმენის კონტრაქტში გამოსასყიდი თანხაც წერია, რაც 130 მილიონ ევროს შეადგენს.
მოკლედ, ვიქტორი ნაპოლისთვის ხელშეუხებელთა რიცხვს არ განეკუთვნება, კვარას გაყიდვას კი პარტენოპეიში არც კი განიხილავენ. ასე რომ, დიდია შანსი, რომ ნეაპოლელთა შემტევი დუეტი დაიშალოს.
