გერმანიის ქალაქ ნიურნბერგში გამართულ პარატაეკვონდოს საერთაშორისო ტურნირზე, ქართველმა სპორტსმენებმა 5 მედალი მოიპოვეს.
ანა ჯაფარიძემ, -52 კგ. წონით კატეგორიაში, ფინალური შეხვედრა პარალიმპიური თამაშების 2-გზის ჩემპიონ თურქ მეიუმ ბეთიულს მოუგო და ოქროს მედალს დაეუფლა. ასევე ჩემპიონი გახდა ლიკუნა ჩაჩიბაია (-47 კგ.), რომელმაც ფინალში რუს მეტოქეს აჯობა.
ნატა ოჩიგავამ (-57 კგ.) და გიორგი ნიკოლაძემ (-70 კგ.) ვერცხლის მედალი მოიპოვეს, ხოლო სანდრო მეგრელიშვილი (-63 კგ.) ბრინჯაოს პრიზიორი გახდა.
პარატაეკვონდო - ანა ჯაფარიძე რომის გრან-პრის ჩემპიონი გახდა
