უეფას ერთა ლიგის მე-2 ტურში უკრაინასთან 0-0 დასრულებული მატჩის შემდეგ, საქართველოს ნაკრების კაპიტანმა ხვიჩა კვარაცხელიამ კომენტარი გააკეთა.
„უპირველეს ყოვლისა, მადლობას ვუხდით ვილი სანიოლს. მან ძალიან ბევრი რამ გააკეთა ჩვენი ქვეყნისთვის.
ეს 6 წელი, რა თქმა უნდა, წარმატებული იყო, გავედით ევროპის ჩემპიონატზე და უდიდესი მადლობა მას კიდევ ერთხელ.
რაც შეეხება თამაშს, პირველი ტაიმი ძალიან კარგად ჩავატარეთ. უპირატესობას ვფლობდით და ალბათ გოლიც უნდა გაგვეტანა.
მეორე ტაიმს რაც შეეხება, მეტოქემ ცვლილებები განახორციელა. ჩვენც მხოლოდ ერთი დღე გვქონდა რამაზ სვანაძესთან მოსამზადებლად.
რა თქმა უნდა, ყველაფერს დრო სჭირდება. უკრაინის ნაკრები არის ერთ-ერთი გამორჩეული ნაკრებია ევროპაში.
მოგება უკეთესი იქნებოდა, გვქონდა მომენტები, რომლებიც უნდა გამოგვეყენებინა, მაგრამ ვერ შევძელით.
საერთო ჯამში, ვფიქრობ, დადებითად შევაფასებ ამ თამაშს, იმიტომ რომ უკრაინის ნაკრები ძლიერი მეტოქეა.“ - განაცხადა კვარაცხელიამ.
,,ბევრი პოზიტივი დავინახე" - სვანაძის პრესკონფერენცია უკრაინასთან მატჩის შემდეგ
