იბრაჰიმა კონატე მადრიდის რეალს არ შეუერთდება.
ფრანგ მცველს ლივერპულთან კონტრაქტი ზაფხულში უმთავრდება და მადრიდული კლუბი მისი უფასოდ გადაბირების ვარიანტს განიხილავდა, ზუსტად ისე, როგორც წინა ზაფხულს ტრენტ ალექსანდრ-არნოლდი დაიმატა.
კონატე გარკვეული პერიოდის განმავლობაში რეალის ინტერესთა სფეროში იმყოფებოდა. თუმცა, როგორც ჩანს, მადრიდელებმა ტრანსფერზე უარი თქვეს.
ფაბრიციო რომანოს და The Athletic-ის ჟურნალისტის დევიდ ორნშტეინის ინფორმაციით, რეალმა ლივერპულს შეატყობინა, რომ კონატესთან მოლაპარაკებების წამოწყებას არ აპირებს.
თავად ფრანგი მცველი ამ დრომდე ვერ ახერხებს ლივერპულთან ახალ კონტრაქტზე შეთანხმებას.
