ხვიჩა კვარაცხელიას ყოფილი ინგლისელი მწვრთნელი, დევიდ ვები: „შემდეგ კრიშტიანუ რონალდუს“ პრემიერ ლიგაში თამაშის ოცნება აქვს.
პსჟ-ს ვარსკვლავი, ხვიჩა კვარაცხელია, შესაძლოა სწორედ იმ პრემიერ ლიგის გუნდებიდან ერთ-ერთში აღმოჩნდეს, რომელთა ევროპულ ოცნებებსაც თავადვე წერტილს უსვამს.
საქართველოს ნაკრების მწვრთნელმა ყოფილმა ასისტენტმა, დევიდ უებმა, გაამხილა, რომ ქართველი გარემარბი ინგლისში გადასვლის წინააღმდეგი არ იქნება, თუ მას შესაფერისი კლუბი გამოუჩნდება.
2025 წლის იანვარში, როცა მისი ნაპოლური კარიერა დასასრულს უახლოვდებოდა, კვარაცხელიას პრემიერ ლიგას აქტიურად უკავშირებდნენ. თუმცა, საქართველოს ნაკრების კაპიტანმა პსჟ აირჩია, სადაც პირველივე ექვს თვეში კლუბს ჩემპიონთა ლიგის ისტორიული, პირველი ტიტული მოაპოვებინა.
VIDEO: პსჟ-მ ლივერპულს ენფილდზეც მოუგო - კვარა მხოლოდ მბაპეს ჩამორჩება
ინგლისური კლუბების დანაკლისი კიდევ უფრო თვალსაჩინო კვარაცხელიას წლევანდელმა ფორმამ გახადა. 25 წლის ფეხბურთელმა პსჟ-ს მაისურით ინგლისური გუნდების წინააღმდეგ გამართულ ხუთივე მატჩში გამოიჩინა თავი.
ხვიჩა ჩელსის განადგურების მთავარი არქიტექტორი იყო, ორმატჩიან დუელში, რომელიც პარიზელებმა 8:2 მოიგეს, მან სამი გოლი გაიტანა. გასულ კვირას კი ლივერპული ჩემპიონთა ლიგის მიღმა დატოვების საფრთხის წინაშე დააყენა, როცა მისი ბრწყინვალე სოლო-გოლის წყალობით პსჟ-მ 2:0 გაიმარჯვა.
გასული სეზონის დასაწყისიდან მოყოლებული, ჩემპიონთა ლიგის ფლეი-ოფში კვარაცხელიაზე მეტი (11) საგოლე მოქმედება მხოლოდ რაფინიას აქვს. თუ პსჟ და არსენალი ფინალამდე მიაღწევენ, ქართველს მეთოფეების წინააღმდეგაც მოუწევს თამაში.
ირონიულია, რომ სწორედ ეს სამი გუნდი: ჩელსი, ლივერპული და არსენალი სახელდება იმ კლუბებად, სადაც დევიდ ვებს კვარაცხელიას მომავალი წარმოუდგენია.
