ტრავმიდან დაბრუნებულმა სიგუამ პირველივე მატჩში გაიტანა

შვეიცარიის სუპერ ლიგაში ბაზელმა ივერდონი 0-2 დაამარცხა.

მატჩში ანგარიში 37-ე წუთზე გაბრიელ სიგუამ გახსნა. ქართველი ფეხბურთელი 2023 წლის 6 დეკემბრის შემდეგ პირველად გამოვიდა მოედანზე. მას ტრავმა აწუხებდა და ამის გამო ორთვენახევარი გამოტოვა.

18 წლის მოთამაშეს შვეიცარიის ჩემპიონატის მიმდინარე სეზონში 3 გოლი დაუგროვდა.

რაც შეეხება ბაზელს, გუნდი 25 ტურის შემდეგ 31 ქულით მე-8 ადგილზეა და საჩემპიონო ჯგუფთან 3 ქულა აშორებს.