როიბნიომ, რომელიც ბრაზილიის ციხეში 9-წლიან სასჯელს ჯგუფურ გაუპატიურებაში ბრალდების გამო იხდის, თავის პირობებზე კომენტარი გააკეთა.
ყოფილმა ფეხბურთელმა საკუთარ საცხოვრებელ პირობებზე ისაუბრა ვიდეოში, რომელიც ტაუბატეს საზოგადოებრივმა საბჭომ გამოაქვეყნა — ეს არაკომერციული ორგანიზაციაა, რომელიც რეგიონში სასამართლო სისტემის მხარდაჭერის მიზნით შეიქმნა.
„ჩემი კვების რაციონი და ძილის რეჟიმი იგივეა, რაც სხვა პატიმრებს აქვთ. არასდროს მიჭამია სხვებისგან განსხვავებული კერძი, არავინ მეპყრობა განსაკუთრებით. როცა ჩემი მუშაობის ჯერი მოდის, ზუსტად იგივე საქმეს ვასრულებ, რასაც სხვა პატიმრები. როცა ფეხბურთის თამაში გვინდა, ამის შესაძლებლობას სამუშაოსგან თავისუფალ კვირა დღეს გვაძლევენ.
არასდროს მიმიღია არანაირი პრივილეგია. შეხვედრები მხოლოდ შაბათს ან კვირას იმართება. ჩემს ცოლს მხოლოდ შვილების შემოყვანის უფლებას აძლევენ. ვიზიტების განრიგი და სამედიცინო მომსახურება ყველასთვის ერთნაირია. ტყუილია გავრცელებული ინფორმაცია, თითქოს მე ლიდერის როლი მაქვს ან ფსიქოლოგიური პრობლემები მაწუხებს - ამას არანაირი საფუძველი არ აქვს. აქ არასდროს, არაფერი მსგავსი არ მომხდარა, არასდროს არ დამჭირვებია წამლის მიღებაც კი, რისთვისაც ღმერთს მადლობას ვუხდი.
სასჯელაღსრულების დაწესებულებაში ყოფნის სირთულეების მიუხედავად, მადლობა ღმერთს, რომ მწყობრში ვარ და ვაკეთებ ყველაფერს, რასაც სხვა პატიმრები." - აღნიშნა რობინიომ ვიდეოში.
