წილისყრა დასრულდა: ვინ იქნებიან ქართველი ძიუდოისტების მეტოქეები

4 ოქტომბერს, აზერბაიჯანის დედაქალაქ ბაქოში ძიუდოს მსოფლიო ჩემპიონატი იღებს სტარტს.

დღეს გაიმართა წილისყრა და საბოლოოდ გაირკვა, თუ ვისთან მოუწევთ დაპირისპირება ჩვენი ნაკრების წევრებს.

კაცების ნაკრები

-60 კგ: გიორგი სარდალაშვილი ტურნირს ისრაელის წარმომადგენლის წინააღმდეგ დაიწყებს.

-66 კგ: ვაჟა მარგველაშვილს საინტერესო ბადე შეხვდა და პირველ ეტაპზე ნიზამ იმრანოვს დაუპირისპირდება.

-73 კგ: ლაშა შავდათუაშვილი ჯოშუა გრინისა და დარდან სენას შორის გამარჯვებულს დაელოდება.

-81 კგ: ტატო გრიგალაშვილის პირველი მეტოქე გეორგი გრამატიკოვისა და გაჩიმურად ომაროვის წყვილში საუკეთესო იქნება.

-90 კგ: აქ ქართული ფინალის შანსი გვაქვს, ლაშა ბექაური და ლუკა მაისურაძე სხვადასხვა ჯგუფში მოხვდნენ, რაც წარმატებული ასპარეზობის შემთხვევაში მათ ფინალში შეახვედრებს.

-100 კგ: ილია სულამანიძე ტატამიზე ჯახონგირ მაჯიდოვსა ან ჩომბორ ვეგს შორის გამარჯვებულის წინააღმდეგ გავა.

+100 კგ: გურამ თუშიშვილი ტურნირს ცეცენცენგენ ოდხუს წინააღმდეგ დაიწყებს, ხოლო ირაკლი დემეტრაშვილი მუზაფარბეკ ტურობოევს შეხვდება.

ქალების ნაკრები

-57 კგ: ეთერ ლიპარტელიანი ურუგვაელ მაია ლეოპოლდოს დაუპირისპირდება. ამავე წონაში ნინო ლოლაძე აკარი ომორის შეხვდება.

-70 კგ: ნინო გულბანი ჩინელი ინგინგ ფენგის წინააღმდეგ იჭიდავებს.

+78 კგ: სოფიო სომხიშვილი მედლებისთვის ბრძოლას მარია ივანოვასთან შეხვედრით დაიწყებს.