დღეს საქართველოს ნაკრები 2026 წლის მსოფლიოს ჩემპიონატის საკვალიფიკაციო ციკლის ბოლო მატჩს ბულგარეთში ჩაატარებს და 2025 წლის გამარჯვებით დასრულებას შეეცდება.
მატჩის მიმოხილვა და მიმდინარე ფორმა
თავის მხრივ ბულგარეთი ეცდება, თავიდან აირიდოს ტურნირის დასრულება იმ მცირე ჯგუფში, რომელსაც არცერთი ქულა არ მოუპოვებია. კამპანიის შუაში მთავარი მწვრთნელის ცვლილებამ, ილიან ილევიდან ალექსანდარ დიმიტროვზე, მოედანზე შედეგები ვერ გააუმჯობესა.
გასული კვირის ბოლოს თურქეთთან 0:2 წაგებით დიმიტროვის ხელმძღვანელობით გუნდს უკვე სამ თამაშში 12 გოლი აქვს გაშვებული. ამას დაემატა უეფას ერთა ლიგაში C დივიზიონიდან B-ში გადასვლის უშედეგო მცდელობა. შედეგად, ბულგარეთი უკვე ათი მატჩია ვერ იგებს (2 ფრე, 8 წაგება) და ბოლო ექვსიდან ხუთში გოლის გატანაც ვერ შეძლო.
საქართველომ სექტემბრის დასაწყისში ბულგარეთთან სახლში 3:0 მოიგო, ეს ქულები მათი ერთადერთი მონაპოვარია ამ კამპანიაში, რადგან ესპანეთთან და თურქეთთან კლასის სხვაობა აშკარა იყო. მიუხედავად ამისა, მათ შეუძლიათ წინა საკვალიფიკაციო ციკლის მაჩვენებელი გაიმეორონ, რვა თამაშში ორი გამარჯვება.
ურთიერთშეხვედრები
2022 წლიდან მოყოლებული, საქართველოს ბულგარეთთან ბოლო სამი მატჩი არ წაუგია (2 გამარჯვება, 1 ფრე), იმის წინ კი ექვსიდან ოთხი ჰქონდა წაგებული (1 მოგება, 1 ფრე).
სტატისტიკა და სერიები
ბულგარეთის ბოლო ექვსივე წაგება 2+ გოლიანი სხვაობით დასრულდა.
თურქეთთან 0:2 ბულგარეთის ბოლო ცხრა მატჩში ერთადერთი იყო, სადაც 2.5 გოლზე ნაკლები გავიდა.
საქართველოს ბოლო 14 გასვლითი მატჩიდან ფრედ არცერთი დასრულებულა (8 მოგება, 6 წაგება).
საქართველოს ბოლო 18 გამარჯვებიდან 14 ორ ან მეტ გოლს მოიცავდა.
გამორჩეული მოთამაშეები და დანაკლისი
გეორგი რუსევი თურქეთთან ერთადერთი ზუსტი დარტყმით საგოლე მომენტს მიუახლოვდა და შესაძლოა ათმატჩიანი გოლშეუგდებელი სერია დაასრულოს. ხვიჩა კვარაცხელიასაც შეუძლია შთაგონება მიიღოს პირველ თამაშში გატანილი გოლიდან, მიუხედავად იმისა, რომ ესპანეთთან თავი ვერ გამოიჩინა.
ბულგარეთს მათი ერთადერთი მეგოლიე რადოსლავ კირილოვი დააკლდება, ასევე ანტონ ნედიალკოვი, ფაბიან ნიურნბერგერი და პეტკო ჰრისტოვი. საქართველოს მხრიდან კი ოთარ კაკაბაძე, საბა გოგლიჩიძე, ნიკა გაგნიძე, გაბრიელ სიგუა და გუნდის ერთ-ერთი ბომბარდირი ჟორჟ მიქაუტაძე ვერ ითამაშებენ.
მსაჯი
მატჩს დანიელი იაკობ კეჰლეტი განსჯის, რომელმაც დანიის სუპერლიგის მიმდინარე სეზონში 7 შეხვედრაში მოთამაშეებს 25 ყვითელი და 1 მეორე ყვითელი აჩვენა, სულ კი 2 პენალტი დანიშნა.
დანიელმა უეფას ევროპა ლიგის ერთ მატჩშიც იმუშავა, სადაც ფენერბაჰჩემ შტუტგარტს 1-0 მოუგო, კეჰლეტმა კი 9 ყვითელი ბარათი გამოიყენა და 1 პენალტი დანიშნა.
ბულგარეთისა და საქართველოს მატჩი 23:45 საათზე დაიწყება.
"დასაკარგი ორივე გუნდს ბევრი აქვს, შემადგენლობაში ექსპერიმენტები არ იქნება" - სანიოლის პრესკონფერენცია
