ერთი ფეხბურთელი ევრო 2024-ს ხვდება ნაკრებში გოლების ყველაზე მაღალი საშუალო მაჩვენებლით და ეს არ არის კრიშტიანუ რონალდუ.
ერთ ფეხბურთელი ევროპის ჩემპიონატების უხუცესი ფეხბურთელის რეკორდს მოხსნის და ეს არ არის კრიშტიანუ რონალდუ.
საინტერესო ფაქტები, რომლებიც ევრო 2024-ს წინ ყველას დაგვაინტერესებს.
ჩვენები ევროზე - დინამო თბილისიდან ევროპის ჩემპიონატამდე (ნაწილი 1)
რომელ კლუბს ჰყავს ყველაზე მეტი ფეხბურთელი ევროზე?
მან სიტიდან და ინტერიდან 13-13 ფეხბურთელი წაიყვანეს ევრო 2024-ზე, რეალიდან და პსჟ-დან 12-12, ლაიფციგიდან, ბაიერნიდან და ბარსელონადან კი - 11.
რომელ ჩემპიონატს ჰყავს ევრო 2024-ზე ყველაზე მეტი წარმომადგენელი?
პრემიერ ლიგიდან ევროპის ჩემპიონატზე 96 ფეხბურთელი წაიყვანეს, მეორეზე სერია ა გავიდა 91 ფეხბურთელით, შემდეგ მოდიან ბუნდესლიგა (75), ლა ლიგა (56) და ლიგა 1 (29).
პრემიერ ლიგის 96 ფეხბურთელი 21 სხვადასხვა ქვეყანაზე ნაწილდება: ინგლისი (24), პორტუგალია (10), დანია (9), ბელგია (8) ნიდერლანდები (7), შოტლანდია (5), უკრაინა (4) საფრანგეთი (3), ესპანეთი (3), შვეიცარია (3), ალბანეთი (2), გერმანია (2), უნგრეთი (2), ხორვატია (2), იტალია (2), სერბეთი (2), ჩეხეთი (2), პოლონეთი (2), სლოვაკეთი (2), რუმინეთი (1), თურქეთი (1).
ვის ჰყავს უხუცესი შემადგენლობა?
განაცხადში მოხვედრილი ფეხბურთელების საშუალო ასაკით, ყველაზე ასაკოვანი ნაკრები შოტლანდიას ჰყავს - 28.3 წლის, მეორე ადგილზე გერმანიაა (28.2) მასპინძლებმა ევროზე 30+ წლის 9 ფეხბურთელი წაიყვანეს:
მანუელ ნოიერი (38), ოლივერ ბაუმანი (34), მარკ ანდრე ტერ შტეგენი (34), ანტონიო რუდიგერი (31), ტონი კროოსი (34), ილქაი გიუნდოგანი (33), პასკალ გროსი (32), თომას მიულერი (34), ნიკლას ფულგრული (31).
პორტუგალიას ევრო 2024-ს ორი ყველაზე ასაკოვანი ფეხბურთელი ჰყავს
პეპე (41 წლის და 3 თვის) და კრიშტიანუ რონალდუ (39 წლის და 4 თვის) ევრო 2024-ს ორი ყველაზე ასაკოვანი ფეხბურთელები არიან. ცენტრალური მცველი მოედანზე გასვლით ევროპის ჩემპიონატების რეკორდს დაამყარებს, როგორც ევროს ყველაზე ასაკოვანი ფეხბურთელი: ამ დრომდე, ეგ რეკორდი უნგრელ მეკარეს, გაბორ კირალის ეკუთვნის, რომელიც მოედანზე 40 წლის და 86 დღის ასაკში გავიდა.
საინტერესოა, რომ ევროს უხუცესი ფეხბურთელების ტოპ 5-ში გიორგი ლორიაც არის:
1. პეპე (პორტუგალია) – 41 წლის და 3 თვის
2. კრიშტიანუ რონალდუ (პორტუგალია) - 39 წლის და 4 თვის
3. ლუკა მოდრიჩი (ხორვატია) - 38 წლის და 9 თვის
4. ხესუს ნავასი (ესპანეთი) – 38 წლის და 6 თვის
5. გიორგი ლორია (საქართველო) - 38 წლის და 4 თვის.
ვის ჰყავს ყველაზე ახალგაზრდა შემადგენლობა?
ყველაზე პატარა საშუალო ასაკის მქონე ნაკრები ჩეხეთია - 25.3 წლის, რომელსაც 23 წლამდე 9 ფებხურთელი ჰყავს გამოძახებული: ვიჩესლავ იაროში (22), დავიდ ზიმა (23), დავიდ იურაშეკი (23), ტომაშ ვლჩეკი (23), მარტინ ვიტიკი (21), ლუკას ჩერვი (23), პაველ სულსი (23), მატეი იარუშეკი (20), ადამ ჰლოზეკი (21).
მეორე და მესამე ადგილს ყველაზე ახალგაზრდა შემადგენლობით თურქეთი (25.8) და ინგლისი (26.1) იკავებენ.
ვინ არის ყველაზე ახალგაზრდა ფეხბურთელი?
ევროს ყველაზე ახალგაზრდა ფეხბურთელი უდიდესი უპირატესობით ლამინ იამალია (16 წლის და 10 თვის)
ტოპ 5 ასე გამოიყურება. სპოილერი: ქართველს აქაც შეხვდებით...
1. ლამინ იამალი (ესპანეთი) – 16 წლის და 10 თვის
2. უორენ ზაირ ემერი (საფრანგეთი) – 18 წლის და 3 თვის
3. ლეო საუერი (სლოვენია) – 18 წლის და 5 თვის
4. სემიჰ კილიჯსოი (თურქეთი) – 18 წლის და 9 თვის
5. გაბრიელ სიგუა (საქართველო) – 18 წლის და 11 თვის.
ვის ჰყავს ყველაზე გამოცდილი შემადგენლობა?
გყავდეს ასაკოვანი შემადგენლობა სულაც არ ნიშნავს იმას, რომ საერთაშორისო ყველაზე გამოცდილი გუნდი გყავს. გამოცდილებაში იგულისხლება, საშუალოდ ერთ ფეხბურთელზე გუნდში რამდენი სანაკრებო მატჩი მოდის.
ამ მაჩვენებლით პირველ ადგილზე ხორვატიაა, რომელსაც პორტუგალია და შვეიცარია მოჰყვებიან.
1. ხორვატია - 45 მატჩი
2. პორტუგალია - 43.5 მატჩი
3. შვეიცარია - 42.7 მატჩი
4. დანია - 41.8 მატჩი
5. ბელგია - 38.6 მატჩი
რომელ ფეხბურთელს აქვს ყველაზე მეტი სანაკრებო მატჩი ჩატარებული?
აქ პირველ ადგილს ერთპიროვნულად კრიშტიანუ რონალდუ იკავებს, რომელმაც 200-მატჩიან ნიშნულს გადააბიჯა.
1. კრიშტიანუ რონალდუ - 207 მატჩი
2. ლუკა მოდრიჩი - 175 მატჩი
3. იან ვერტონენი - 154 მატჩი
4. რობერტ ლევანოდვსკი - 150 მატჩი
5. პეპე - 137 მატჩი.
ზემოთ რო გითხარით, გვყავს ფეხბურთელი გოლების საშუალო ყველაზე მაღალი მაჩვენებლით, ეს კრიშტიანუ რონალდუ მართლა არ არის, არამედ - რომელუ ლუკაკუა.
1. რომელუ ლუკაკუ (ბელგია) – 0.74 გოლი ერთ მატჩში (85 გოლი 115 მატჩში)
2. ნიკლას ფულგრული (გერმანია) – 0.69 (11 გოლი 16 მატჩში)
3. ჰარი კეინი (ინგლისი) - 0.69 (63 გოლი 91 მატჩში)
4. ალექსანდარ მიტროვიჩი (სერბეთი) – 0.64 (58 გოლი 81 მატჩში)
5. კრიშტიანუ რონალდუ (პორტუგალია) – 0.63 (130 გოლი 207 მატჩში).
ასევე იხილეთ:
ჯგუფი A
ჯგუფი B
ჯგუფი C
ჯგუფი D
ჯგუფი E
