ვაკო ყაზაიშვილის შანდონ ტაიშანმა, ჩინეთის სუპერ ლიგის 27-ე ტურში, ჟეჯიან პროფესიონალს სტუმრად ვერ მოუგო - 2:2. ქართველს ანგარიშის გახსნა პენალტიდან შეეძლო.
მე-13 წუთზე, შანდონის სასარგებლოდ დაინიშნა თერთმეტმეტრიანი, რომელიც ვაკომ შეასრულა, თუმცა რეალიზება ვერ შეძლო და ვერც დარჩენილ დროში გაიტანა.
ამის მიუხედავად, ყაზაიშვილი სუპერ ლიგის ბომბარდირად რჩება - 22 გოლი აქვს და მეორე-მესამე პოზიციაზე მყოფ ფაბიო აბრეუსა და ლეოს თითო-თითო გოლით უსწრებს.
ქართველ შემტევს 27 ივლისიდან 12 სექტემბრამდე ფანტასტიკური პერიოდი ჰქონდა - 7 მატჩში 14 გოლი შეაგდო. მას შემდეგ 3 ტურია მოედნიდან უგოლოდ გადის.
შანდონმა, რომელმაც ზედიზედ მე-4 ფრე ითამაშა, 44 ქულა მოაგროვა და ცხრილის მე-5 ადგილზეა - როგორც ცხრილიდან ჩანს, ამ სეზონის მაქსიმუმი ხუთეულისთვის ბრძოლა იქნება. მომდევნო ტურში ლიდერ შანხაი პორტს უმასპინძლებენ.
