კოპა ლიბერტადორესის ნახევარფინალის საპასუხო მატჩში პალმეირასმა საკუთარ მოედანზე LDU კიტო მიიღო.
პირველი შეხვედრა ეკვადორელთა გამარჯვებით 3-0 დასრულდა, განმეორებით თამაშში კი ბრაზილიელებს სასწაულის მოხდენა სჭირდებოდათ, რომელიც საბოლოოდ მოახდინეს კიდეც.
პალმეირასმა ორი გოლის გატანა პირველივე ტაიმში შეძლო. მე-20 წუთზე რამონ სოსამ, ხოლო ტაიმის ბოლოს ბრუნო ფუქსმა გამოიჩინეს თავი.
68-ე წუთზე რაფაელ ვეიგამ ორი მატჩის ჯამში ანგარიში გაათანაბრა, 82-ე წუთზე კი ვეიგამ პენალტის საშუალებით დუბლი შეასრულა და ისტორიული ქამბექი ბოლომდე მიიყვანა.
კოპა ლიბერტადორესის ფინალში პალმეირასია ასევე ბრაზილიურ ფლამენგოს შეხვდება, რომელმაც არგენტინული რასინგის ბარიერი დაძლია.
ეს გუნდები ფინალში ერთმანეთს 2021 წელსაც შეხვდნენ და მაშინ პალმეირასმა 2-1 იმარჯვა. კოპა ლიბერტადორესზე ბრაზილიური ფინალი მეშვიდედ შედგა, ბოლო 6 წელიწადში კი - მეხუთედ.
