VIDEO: თავზე გადაუგდო - მიქაუტაძემ წლის მეორე მატჩშიც გაიტანა
10 იან, 2026 · 0 წთ წასაკითხად
-
Aa
+
ფონტის ზომა
გიორგი მიქაუტაძემ 2026 წელს მეორე შეხვედრა ჩაატარა და ამჯერადაც გაიტანა - ლა ლიგის მე-19 ტურში, ალავესთან შეხვედრაში შეაგდო. მისმა ვილიარეალმა 3:1 მოიგო.
ჟორჟმა მოედანზე 90 წუთი გაატარა - 75-ე წუთზე, მოლეიროს ალბერტო მოლეიროს პასის შემდეგ მეკარეს ბურთი თავზე ეფექტურად გადაუგდო.
ქართველმა თავდამსხმელმა 3 იანვარს ელჩესთან შეაგდო, დღეს კი ახალი წლის მეორე თამაშშიც გამოიჩინა თავი. ლა ლიგის მიმდინარე სეზონში 8 საგოლე მოქმედება მოაგროვა - 5 გოლი და 3 ასისტი.
18 მატჩის შემდეგ, ვილიარეალს 41 ქულა აქვს, მე-3 ადგილზეა და რეალ მადრიდს 4 ქულით ჩამორჩება ისე, რომ მასზე 1 თამაშით ნაკლები აქვს ჩატარებული.
მიქაუტაძის გუნდი, 17 იანვარს, ლა ლიგის მე-6 ადგილოსან ბეტისს სევილიაში ესტუმრება.
