ნოვაკი კვლავ ოთხ სეტში იგებს

ავსტრალიის ღია პირველობის მე-2 რაუნდში ნოვაკ ჯოკოვიჩმა პორტუგალიელი რუი ფარიას წინააღმდეგობა დაძლია.

შეხვედრა 3 საათსა და 1 წუთს გაგრძელდა და სერბის გამარჯვებით, 4 სეტსი, 6:1 6:7 (4) 6:3 6:2 დასრულდა.

ტურნირის 10 გზის ჩემპიონმა ორივე გამართულ შეხვედრაში ერთი სეტი დათმო, თუმცა შეხვედრის თავის სასიკეთოდ დასრულება მაინც მოახერხა.

შემდეგ ტურში ნოვაკი რეიტინგის 26-ე ნომერს, თომაშ მაჩაკს დაუპირისპირდება, რომელმაც 5 სეტში ამერიკელი გიგანტის, რაიან ოპელკას წინააღმდეგობა დაძლია.