ვიდეო: აშშ ოლიმპიადისთვის მზადებას აგრძელებს

პარიზის ოლიმპიადა ახლოვდება და ერთ-ერთი საინტერესო შეჯიბრი გულშემატკივრებისთვის საკალათბურთო ტურნირი იქნება, სადაც აშშ-ს უძლიერესი ნაკრები შეეცდება ოქროს მედალი მოიპოვოს.

ამერიკელები ოლიმპიადის წინ ამხანაგურ მატჩებს მართავენ, მათი მეტოქე ამჯერად ავსტრალია იყო, რომელიც 98-92 დაამარცხეს.

აშშ-ს სასტარტო შემადგენლობა ასე გამოიყურებოდა: კარი, ედვარდსი, ტეიტუმი, ჯეიმსი, ემბიდი.

გუნდს სტატისტიკურად ენტონი დევისმა ულიდერა, რომელმაც 17 ქულა და 14 მოხსნა დააგროვა, ავსტრალიელთა მხრიდან კი ჯოკ ლანდალი გამოირჩა 20 ქულით.

ამერიკელებიდან გამოსარჩევი იყო დევინ ბუკერი (16 ქულა) და ენტონი ედვარდსიც (14 ქულა).

აშშ ოლიმპიადამდე კიდევ 3 ამხანაგურ მატჩს ჩაატარებს - სერბეთთან, სამხრეთ სუდანთან და გერმანიასთან, პარიზის ოლიმპიურ თამაშებზე კი გუნდი პირველ შეხვედრას 28 ივლისს სერბეთის ნაკრებთან გამართავს.

ვიდეო: პირველი გამოფენა ოლიმპიადის წინ - აშშ-მ კანადა დაამარცხა