ახლოვდება 2024 წლის პარიზის ოლიმპიადა და ერთ-ერთი ინტრიგა საკალათბურთო ტურნირი და მისი ფავორიტი აშშ-ს ნაკრებია, რომელმაც საოცარი გუნდი შეკრა.
აშშ-ს ოლიმპიურ შემადგენლობაში ცვლილებაა
დღეს კი ამერიკელთა პირველი საგამოფენო მატჩი შედგა, სადაც გუნდი კანადის ნაკრებს დაუპირისპირდა და მეტოქე 86-72 დაამარცხა.
ორივე გუნდის სასტარტო შემადგენლობა ვარსკვლავური იყო.
აშშ - კარი, ჰოლიდეი, ბუკერი, ჯეიმსი, ემბიდი
კანადა - გილჯეს-ალექსანდერი, მარი, ბრუკსი, ბარეტი, პაუელი
ორივე მხარეს სათამაშო წუთები თანაბრად განაწილდა, რაც ქულების რაოდენობაშიც შესაბამისად აისახა.
მატჩში ყველაზე მეტი, 13 ქულა ენტონი ედვარდსმა დააგროვა, კანადელთა მხრიდან კი საუკეთესო არჯეი ბარეტი იყო 12 ქულით.
ედვარდსი - 13 ქულა
ბარეტი - 12 ქულა
კარი - 12 ქულა
ჰოლიდეი - 11 ქულა
ბრუკსი - 10 ქულა
დევისი - 10 ქულა
გილჯეს-ალექსანდერი - 10 ქულა
აშშ ოლიმპიადამდე კიდევ 4 ამხანაგურ მატჩს ჩაატარებს - ავსტრალიის, სერბეთის, სამხრეთ სუდანისა და გერმანიის წინააღმდეგ. პარიზის თამაშებზე პირველი შეხვედრა კი სერბეთთან შედგება 28 ივლისს.
რაც შეეხება კანადას, ისინი პირველ მატჩს ოლიმპიადაზე 27 ივლისს საბერძნეთის წინააღმდეგ გამართავენ.
პარიზის ოლიმპიადაზე საკალათბურთო ტურნირის ყველა მონაწილე გაირკვა
