VIDEO: გარსიას გმირობა ყოფილ გუნდთან - ბარსელონამ ესპანიოლი დაამარცხა
03 იან, 2026 · 0 წთ წასაკითხად
-
Aa
+
ფონტის ზომა
ლა ლიგის მე-18 ტურის ეგიდით კატალონიური დერბი გაიმართა, სადაც ესპანიოლი საკუთარ მოედანზე ბარსელონას დაუპირისპირდა.
შეხვედრის პირველი ტაიმი უგოლოდ დასრულდა და ეს დიდწილად ჟოან გარსიას დამსახურება იყო, რომელმაც ყოფილ გუნდთან ბრწყინვალე პერფორმანსი აჩვენა და რამდენიმე მომენტში ბარსელონა გადაარჩინა.
ჰანსი ფლიკის გუნდმა გადამწყვეტი უპირატესობა მატჩის ბოლოს მოიპოვა. 86-ე წუთზე დანი ოლმომ, ხოლო 90-ე წუთზე რობერტ ლევანდოვსკიმ გაიტანეს გოლები და ბარსას 0-2 მოაგებინეს.
ორივე გოლში აღსანიშნავია ფერმინ ლოპესის როლიც, რომელმაც ჯერ ესპანელ და შემდეგ პოლონელ თანაგუნდელებს საგოლე პასი გაუკეთა.
კატალონიური დერბის საუკეთესო მოთამაშედ ჟოან გარსია დასახელდა, რომელმაც ჯამში 6 მოგერიება დააგროვა.
ამ მოგების შემდეგ ბარსელონას 19 მატჩში 49 ქულა დაუგროვდა და ლა ლიგის ლაივ ცხრილს 7-ქულიანი უპირატესობით ლიდერობს.
რეალი ამ ტურში თავის მატჩს სანტიაგო ბერნაბეუზე ბეტისის წინააღმდეგ გამართავს და შეეცდება ლიდერთან ჩამორჩენა 4 ქულამდე შეამციროს.
