ვიდეო: კრეიჩიკოვა უიმბლდონის ჩემპიონია

დღეს უიმბლდონის ქალთა თანრიგის ფინალური მატჩი გაიმართა, სადაც ერთმანეთს ჩეხი ბარბორა კრეიჩიკოვა და იტალიელი ჟასმინ პაოლინი დაუპირისპირდნენ.

შეხვედრა ჩეხი ჩოგბურთელის გამარჯვებით დასრულდა. მან 3 სეტში მოახერხა მეტოქის დამარცხება (6-2, 2-6, 6-4) და უიმბლდონის გამარჯვებული კარიერაში პირველად გახდა, სულ კი გრანდ სლემი მეორედ მოიგო.

2021 წელს კრეიჩიკოვამ როლან გაროსის მოგება მოახერხა, 2024-ში კი უკვე უიმბლდონის ჩემპიონიცაა.

კრეიჩიკოვამ ტურნირის განმავლობაში კუდერმეტოვა, ვოლინეტსი, ბოუზას მანეირო, კოლინსი, ოსტაპენკო, რიბაკინა და პაოლინი დაამარცხა.

28 წლის ჩეხი ამ ჩემპიონობით WTA რეიტინგის საუკეთესო ათეულში დაიბრუნებს ადგილს.

"დაუჯერებელია, ეს ჩემს კარიერასა და ცხოვრებაში ცალსახად საუკეთესო დღეა." - განაცხადა ბარბორამ გამარჯვების შემდეგ.

14 ივლისს უიმბლდონის მეორე ფინალი გაიმართება, სადაც ერთმანეთს შარშანდელი ფინალისტები - კარლოს ალკარასი და ნოვაკ ჯოკოვიჩი დაუპირისპირდებიან.

ვიდეო: უიმბლდონზე ფინალი მეორდება