სადიო მანემ, აფრიკის თასის 1/2 ფინალში, ეგვიპტეს გადამწყვეტი გოლი გაუტანა და სენეგალის ნაკრები ტურნირის ფინალში ისტორიაში მეოთხედ გაიყვანა.
გარდა ამისა, მანე აფრიკის თასის ყველა დროის ბომბარდირთა სიაში მე-5 ადგილოსნებს გაუთანაბრდა - დიდიე დროგბას, მოჰამედ სალაჰს, ჰოსამ ჰასანს, პატრიკ მბომასა და ახლა უკვე სადიო მანეს 11-11 გოლი აქვთ.
აფრიკის თასის ყველა დროის ბომბარდირთა ტოპ-5, რომელშიც ჯამში 9 ფეხბურთელია, ასე გამოიყურება:
სამუელ ეტო'ო (კამერუნი) - 18 გოლი (29 მატჩში);
ლორენ პოკუ (კოტ დ'ივუარი) - 14 გოლი (13 მატჩში);
რაშიდ იეკინი (ნიგერია) - 13 გოლი (24 მატჩში);
ჰასან ელ-შაზლი (ეგვიპტე) - 12 გოლი (10 მატჩში);
პატრიკ მბომა (კამერუნი) - 11 გოლი (17 მატჩში);
ჰოსამ ჰასანი (ეგვიპტე) - 11 გოლი (21 მატჩში);
მოჰამედ სალაჰი (ეგვიპტე) - 11 გოლი (24 მატჩში);
დიდიე დროგბა (კოტ დ'ივუარი) - 11 გოლი (24 მატჩში);
სადიო მანე (სენეგალი) - 11 გოლი (28 მატჩში);
ჩამოთვლილ ფეხბურთელთაგან, მიმდინარე ტურნირზე მონაგარის გაზრდის შანსი მხოლოდ მანეს ექნება - მისი ნაკრები, 18 იანვარს გასამართ ფინალში, ნიგერია-მაროკოს შორის გამარჯვებულს ელოდება.
