-
Aa
+
ფონტის ზომა
19 ნოემბერს საქართველოს საფეხბურთო ეროვნული და ასაკობრივი ნაკრებები მნიშვნელოვან მატჩებს გამართავენ.
21:00
შვედეთის ქალაქ გიოტებორგში ევროპის 19-წლამდელთა ჩემპიონატის პირველი საკვალიფიკაციო ეტაპის მე-3 ტურში, საქართველოს U19 ნაკრები ესტონელ თანატოლებს დაუპირისპირდება.
2 მატჩის შემდეგ გუნდებს 3-3 ქულა აქვთ და ჯგუფში მე-2 და მე-3 ადგილებზე იმყოფებიან. პირველ ადგილზე ნორვეგიაა 6 ქულით. ელიტ-რაუნდში ჯგუფის 2-2 საუკეთესო და ჯგუფებს შორის საუკეთესო მესამეადგილოსანი გუნდი გადის.
ჯგუფში საქართველოს ბურთების ბალანსი 4:4 არის, ესტონეთის კი - 3:3, აქედან გამომდინარე მოგებასთან ერთად ჩვენს U19 ნაკრებს ფრეც აწყობს, რადგან თანაბარი ქულების შემთხვევაში ამ ორ გუნდს შორის უპირატესობა მეტი გატანილი გოლის გამო ქართველებს მიენიჭებათ და მე-2 ადგილზე გავლენ, რაც ელიტ-რაუნდის საგზურს ნიშნავს.
22:00
ქალაქ რიეკაში ევროპის 21-წლამდელთა ევროპის ჩემპიონატის საკვალიფიკაციო ეტაპის პლეიოფის განმეორებითი მატჩი გაიმართება, რომელშიც საქართველოს U21 ნაკრები ხორვატიას ესტუმრება.
პირველი მატჩი თბილისში, მიხეილ მესხის სახელობის სტადიონზე ჩვენი გამარჯვებით 1-0 დასრულდა. ორი თამაშის ჯამში გამარჯვებული გუნდი ევროპის ჩემპიონატის საგზურს მოიპოვებს. საქართველოს 21-წლამდელთა ნაკრები ახლოსაა ისტორიაში პირველად მოხვდეს ევროპის ჩემპიონატზე საკვალიფიკაციო ეტაპის გავლით.
ერთ ნაბიჯში ევროსთან - U21 ნაკრებმა ხორვატია დაამარცხა
23:45
ქართულ საფეხბურთო დღეს ქალაქ ოლომოუცში უეფას ერთა ლიგის მე-6 ტურის გადამწყვეტი მატჩი დააგვირგვინებს, რომელშიც საქართველოს ნაკრები ჩეხეთს ესტუმრება.
თუ ახალგაზრდულ ნაკრებებს ფრეც აწყობთ, ეროვნულ გუნდს მხოლოდ გამარჯვება სჭირდება, რათა ჯგუფში პირველი ადგილი დაიკავოს და A ლიგაში დაწინაურდეს, ამასთან მსოფლიო ჩემპიონატის საკვალიფიკაციო ეტაპის პლეიოფში თამაშის შანსი მიიღოს.
თაზო ჩარკვიანი
კომენტარები
