adjarabetarena-ზე გრძელდება ევრო 2024-ის მონაწილე გუნდების განხილვა. ჩვენ უკვე გაგაცანით რამდენიმე ფავორიტი ნაკრები, ახლა კი ნიდერლანდების ჯერი დადგა.
ნარინჯისფრები ევროპის საკვალიფიკაციო ეტაპის ჯგუფში საფრანგეთთან, საბერძნეთთან, ირლანდიასთან და გიბრალტართან ერთად იყვნენ. საბოლოოდ კი 18 ქულით მე-2 ადგილი დაიკავეს და ევრო 2024-ის საგზური მოიპოვეს. გუნდმა ორი თამაში წააგო - ორივე საფრანგეთთან.
ბოლო 2 ამხანაგური მატჩი ნიდერლანდებმა მარტში ჩაატარა - შოტლანდიასთან (4-0 გამარჯვება) და გერმანიასთან (2-1 მარცხი).
გუნდის მთავარმა მწვრთნელმა რონალდ კუმანმა უკვე დაასახელა 30-კაციანი განაცხადი.
არსებული შემადგენლობის ჯამური ღირებულება Transfermarkt-ის მიხედვით 874 მილიონი ევროა.
ყველაზე ძვირადღირებული მოთამაშეები ჩავი სიმონსი (80 მილიონი ევრო), ფრენკი დე იონგი (70 მილიონი ევრო) და მატაის დე ლიხტი (65 მილიონი ევრო) არიან.
მოქმედი მოთამაშეებიდან ყველაზე მეტი მატჩი ნაკრების მაისურით დეილი ბლინდს აქვს ჩატარებული - 106. მას კი ჯორჯინიო ვაინალდუმი (91 მატჩი) და მემფის დეპაი (90 მატჩი) მოჰყვებიან.
არსებული შემადგენლობიდან ყველაზე მეტი გოლი სანაკრებო შეხვედრებში მემფის დეპაისა (44 გოლი) და ჯორჯინიო ვაინალდუმს (28 გოლი) აქვთ გატანილი. მემფისს საერთოდაც 6 გოლი აკლია რობინ ვან პერსის შედეგამდე და ნიდერლანდების ნაკრების ისტორიაში საუკეთესო ბომბარდირი გახდება.
ნარინჯისფრების ისტორია ევროპის ჩემპიონატებზე 10 მონაწილეობას ითვლის. პირველი ნაკრებმა ევროზე 1976 წელს ითამაშა. გუნდი ევროპის ჩემპიონი ერთადერთხელ 1988 წელს გახდა. 2000 წელს ქვეყანამ ბელგიასთან ერთად კონტინენტის პირველობასაც უმასპინძლა. ნიდერლანდელებს 1960 წელს პირველ ევროპის ჩემპიონატზე მონაწილეობა არ მიუღიათ, 1964, 1968, 1972, 1984 და 2016 წლებში კი ტურნირზე კვალიფიცირება ვერ მოახერხეს.
ბოლო ევროზე გუნდი ასპარეზობას 1/8 ფინალურ ეტაპზე გამოეთიშა, სადაც ჩეხეთის ნაკრებთან დამარცხდა.
ევროპის ჩემპიონატების ისტორიაში ნარინჯისფრებში ყველაზე მეტი მატჩი (16) ედვინ ვან დერ სარს აქვს ჩატარებული. გუნდის ბომბარდირები კი რუუდ ვან ნისტელროი და პატრიკ კლუივერტი არიან 6-6 გოლით. მოქმედი მოთამაშეებიდან ჯორჯინიო ვაინალდუმი არის გამორჩეული 3 გოლით.
ნიდერლანდების ნაკრები ევრო 2024-ზე ჯგუფში საფრანგეთის, ავსტრიისა და პოლონეთის ნაკრებებთან მოხვდა.
/origin-imgresizer.eurosport.com/2023/09/07/3780463-76899188-2560-1440.jpg)
მათი ისტორიული სტატისტიკა საფრანგეთთან შემდეგნაირია - 30 მატჩი, 11 მოგება, 3 ფრე, 16 წაგება. ბოლო მატჩი სწორედ საკვალიფიკაციო ეტაპზე შედგა, სადაც ფრანგებმა 1-2 იმარჯვეს.
ავსტრიასთან სტატისტიკა - 20 მატჩი, 10 მოგება, 4 ფრე, 6 წაგება. ბოლო შეხვედრა წინა ევროპის ჩემპიონატის ჯგუფურ ეტაპზე შედგა, სადაც ნიდერლანდებმა მეტოქე 2-0 დაამარცხა.
პოლონეთთან სტატისტიკა - 19 მატჩი, 9 მოგება, 7 ფრე, 3 წაგება. ბოლო დაპირისპირებაში ნიდერლანდებმა 0-2 იმარჯვა 2022 წლის სექტემბერში.
ნიდერლანდების ნაკრები ევრო 2024-ზე საინტერესო და ანგარიშგასაწევი ძალა იქნება. ბევრი შეიძლება რონალდ კუმანის გუნდს ჩუმ ფავორიტადაც მოიაზრებდეს.
გთავაზობთ სტატიებს სხვა ნაკრებების შესახებაც:
გერმანია
საფრანგეთი
ინგლისი
პორტუგალია
იტალია
