სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
adjarabetarena-ზე გრძელდება ევროპის ჩემპიონატის მონაწილე გუნდების განხილვა და დღეს უნგრეთის ნაკრების ჯერი დადგა.
ევროპის ჩემპიონატისაკენ მიმავალი გზა მარკო როსის გუნდმა, რომელიც, სხვათაშორის, ნაკრებს ექვსი წელია უდგას სათავეში, პრაქტიკულად იდეალურად გაიარა - ერთის მხრივ, გუნდს ჯგუფშიც გაუმართლა: სერბეთი, მონტენეგრო, ლიეტუვა და ბულგარეთი ნამდვილად არის ისეთი ჯგუფი, საიდან გასვლის პრეტენზიაც დომინიკ სობოსლაის და კამპანიას ნამდვილად უნდა ჰქონოდა და ასეც მოხდა.
უნგრელებმა 8 მატჩში 5 გამარჯვება მოიპოვეს, 3-ჯერ ფრე ითამაშეს და 18 ქულით ჯგუფი დამაჯერელად მოიგეს - მეორეადგილოსან სერბეთს როსის გუნდმა 4 ქულით გაასწრო და ევროპის ჩემპიონატის საგზური ზედიზედ მესამედ მოიპოვა.
საკვალიფიკაციო ეტაპის დასრულების შემდეგ, უნგრეთის ნაკრებმა სამი ამხანაგური შეხვედრა გამართა - თურქეთს 1:0 მოუგო, კოსოვოს 2:0, რამდენიმე დღის წინ კი ირლანდიასთან 1:2 დამარცხდა. დღეს, როსის გუნდი 20:00 საათზე ევროპის ჩემპიონატამდე თავის ბოლო ამხანაგურ მატჩს ჩაატარებს, ისრაელის წინააღმდეგ.
ევრო 2024 - ჯგუფი A
უნგრეთის ნაკრების დღევანდელი შემადგენლობის საერთო ფასი თითქმის 165 მილიონ ევროს შეადგენს, საიდანაც ლომის წვლილი ლივერპულის ნახევარმცველს დომინიკ სობოსლაის უკავია (75 მლნ ევრო), დარჩენილი 90 მილიონი კი ნაკრების სხვა ფეხბურთელებზე ერთად ნაწილდება.
დღევანდელ განაცხადში გუნდი სყველაზე გამოცდილი ფეხბურტელი სპეციას მცველი, ადამ ნაგია, რომელსაც უნგრეთის ეროვნული გუნდის მაისური 80-ჯერ აქვს მორგებული, მეორე ადგილზე ადამ ლანგია (ომონია ნიქოზია) – 68 მატჩი, მესამეზე კი ატილა ფიოლა (ფეჰერვარი) – 56 მატჩი.
რაც შეეხება საუკეთესო მეგოლეებს - აქ პირველ ადგილს როლანდ სალაი (ფრაიბურგი) და დომინიკ სობოსლაი (ლივერპული) იყოფენ 12-12 ქულით, ლაიფციგის ცენტრალური მცველი ვილი ორბანი 6 გოლით გუნდის მესამე საუკეთესო ბომბარდირია.
იტალიელმა მარკო როსიმ უნგრეთის ნაკრები 2018 წლის ივნისში ჩაიბარა და მას შემდეგ გუნდის 63 მატჩს გაუძღვა - 32 მისი გამარჯვებით დასრულდა, 14-ჯერ გუნდმა ფრე ითამაშა და 17-ჯერ დამარცხდა. ამ 63 შეხვედრაში უნგრელებმა 91 გოლის გატანა შეძლეს, საკუთარ კარში კი 66 მიიღეს.
ერთ მატჩში საშუალოდ 1.47 გატანილი და 1.04 გაშვებული გოლი იმას გვეუბნება, რომ უნგრეთის ნაკრები საკმაოდ მძიმე და ბრძოლისუნარიანი გუნდია, რომელსაც გოლების გატანა თავად არ უადვილდება, მაგრამ არც მეტოქეებს აძლევს ბევრი გოლის გატანის საშუალებას.
ევროპის ჩემპიონატზე უნგრეთის ეროვნულ ნაკრებს ისტორიაში მეხუთედ ვიხილავთ - გუნდმა საუკეთესო შედეგი 1964-ში, ისტორიაში მეორე ევროპის პირველობაზე დააფიქსირა, როცა მესამე ადგილზე გავიდა. შემდეგი ევრო გუნდმა 1972-ში ჩაატარა და მეოთხეზე გავიდა, ამის შემდეგ კი იყო 44-წლიანი პაუზა იყო და უნგრეთი მხოლოდ 2016-ში ვიხილეთ, სადაც გუნდი მერვედფინალში ბელგიასთან განადგურებით გამოეთიშა ასპარეზს. 2020-ში კი უნგრელებმა სიკვდილის ჯგუფი გამოიარეს პორტუგალიის, საფრანგეთის და გერმანიის კვარტეტში და 2 ქულით ბოლო ადგილზე გავიდნენ.
ურთიერთშეხვედრები ჯგუფის სხვა წევრებთან:
გერმანია: 37 მატჩი - 12 მოგება, 12 ფრე, 13 მარცხი
შოტლანდია: 9 მატჩი - 4 მოგება, 3 ფრე, 2 მარცხი
შვეიცარია: 46 მატჩი - 30 მოგება, 5 ფრე, 11 მარცხი
ნ
ნიკა შაქარაშვილი
კომენტარები