მთავარი
ევრო 2024
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
adjarabetarena აგრძელებს თქვენთვის ევრო 2024-ს მონაწილე გუნდების გაცნობას და დღეს სერგეი რებროვის უკრაინის ნაკრების ჯერი დადგა.
უკრაინის ეროვნული ნაკრები ტურნირზე ერთ-ერთი მთავარი ანდერდოგის სტატუსით ჩადის - თამამად შეიძლება ითქვას, რომ გუნდს ოქროს პერიოდი უდგას. ძირითადი ბირთვის თითქმის ყველა ფეხბურთელი ტოპ ჩემპიონატების ძლიერ გუნდებში თამაშობენ.
ნუ მიაქცევთ ყურადღებას იმ ფაქტს, რომ უკრაინას ევრო 2024-ზე მოსახვედრად ერთა ლიგის პლეიოფი დასჭირდა - გუნდს უბრალოდ საკვალიფიკაციოს ჯგუფით არ გაუმართლა, რადგან ინგლისთან და იტალიასთან მოხვდა და იქაც კი, ბოლო ტურამდე ინარჩუნებდა მეორე ადგილზე გასვლის და ევროს გარეშე იტალიის ნაკრების დატოვების შანსს.
საბოლოოდ, ყველაფრის გადაწყვეტა ერთა ლიგის პლეიოფში გახდა საჭირო და უკრაინამ ჯერ სტუმრად ბოსნია და ჰერცოგოვინას 2:1 მოუგო იარემჩუკის და დოვბიკის გოლებით, ფინალში კი საკუთარ სტადიონზე ისლანდიას აჯობა (2:1) ციგანკოვის და მუდრიკის დახმარებით.
საკვალიფიკაციოს შემდეგ თავისი პირველი მატჩი უკრაინამ გუშინ (3 ივნისს) გამართა - მასპინძელ გერმანიას ამხანაგურ მატჩში დაუპირისპირდა და გამარჯვებულის გამოვლენა ვერ მოხერხდა (0:0).
ევრო 2024 - უკრაინის ნაკრების განაცხადი ცნობილია
უკრაინის დღევანდელი ნაკრების საერთო ღირებულება ამ მომენტისთვის 344.7 მილიონ ევროს შეადგენს. გუნდის ყველაზე ძვირადღირებული ფეხბურთელი ოლექსანდრ ზინჩენკოა (38 მლნ ევრო), მეორე ადგილს მიხაილო მუდრიკი იკავებს (35 მლნ ევრო), მესამეზე კი ილია ზაბარნია (32 მლნ ევრო). ლა ლიგის გასული სეზონის საუკეთესო ბომბარდირი, ჟირონას ფორვარდი არტემ დოვბიკი 30 მილიონ ევროდ ფასდება და მე-4 ადგილს იკავებს.
დღევანდელი ნაკრების ყველაზე გამოცდილი და ყველაზე შედეგიანი ფეხბურთელი ანდრეი იარმოლენკოა - გუნდის კაპიტანი, რომელსაც უკრაინის მაისურით 117 მატჩი დაუგროვდა და 46 გოლის გატანაც მოახერხა.
მეორე ადგილზე გოლებით რომან იარემჩუკია (14 გოლი), მატჩებით კი ტარას სტეპანენკო (82 მატჩი).
ევროპის ჩემპიონატებზე უკრაინის დებიუტი 2012 წელს შედგა, როცა გუნდი ტურნირს პოლონეთთან ერთად მასპინძლობდა. საშინაო ევროზე ვეტერანი ანდრეი შევჩენკოს ნალიდერები გუნდი სამწუხაროდ ჯგუფში ჩარჩა და მილანის ლეგენდის დუბლით მოგებული პირველი ტურის მატჩიც ვერ დაეხმარა.
2016-ში საფრანგეთის ევროზე მონაწილეობის უფლება უკრაინამ უკვე მოედანზე მოიპოვა, თუმცა უშუალოდ ევროპის ჩემპიონატი კვლავ ჯგუფურ ეტაპზე, თანაც უგოლოდ დაასრულა - ჩრდილოეთ ირლანდიამ, პოლონეთმა და გერმანიამ უკრაინელებს სამივე მატჩი მოუგეს, 5 გოლი გაუტანეს და არცერთი არ გაატანინეს.
2020-ს ევროზე უკრაინამ ისტორიაში საუკეთესო შედეგი დააფიქსირა - ჯგუფიდან მე-4 საუკეთესო მესამეადგილოსნის სტატუსით გავიდა და მერვედფინალში შვედეთი გამოაგდო - მძიმე ბრძოლაში გამართული მატჩი ექსტრა ტაიმებში გადავიდა, სადაც დოვბიკმა გამარჯვების გოლი 120+1 წუთზე გაიტანა და უკრაინამ 2:1 იმარჯვა.
მეოთხედფინალში უკრაინას მომავალმა ფინალისტმა ინგლისმა არანაირი შანსი არ დაუტოვა - კეინის დუბლითა და მაგუაიერის და ჰენდერსონის გოლებით, საუთგეიტის გუნდმა 4:0 იმარჯვა.
ამრიგად, სამი მონაწილეობიდან უკრაინის საუკეთესო შედეგი მეოთხედფინალია, რომელიც გუნდმა სამი წლის წინ დააფიქსირა.
.
ევრო 2024-ზე რებროვის გუნდი ბელგიასთან, სლოვაკეთთან და რუმინეთთან მოხვდა.
ბელგიას უკრაინა ისტორიაში პირველად შეხვდება, რუმინეთთან 6 მატჩში 3 მოგება და 3 მარცხი აქვს, სლოვაკეთს კი 8-ჯერ შეხვდა (3 მოიგო, 3 ფრე, 2-ჯერ დამარცხდა).
გთავაზობთ სტატიებს სხვა ნაკრებების შესახებაც:
ნ
ნიკა შაქარაშვილი
კომენტარები
6 საათის წინ
5 საათის წინ
7 საათის წინ
9 საათის წინ